28 qylmystyq is boıynsha jábirlenýshiler kámeletke tolmaǵan jasóspirimder bolyp shyqty, dep habarlaıdy «Adyrna» ulttyq portaly.
2023 jyly Qazaqstanda adam saýdasy boıynsha 150 qylmystyq is qozǵaldy. Qazirgi ýaqytta Májiliste «adam saýdasyna qarsy is-qımyl týraly» zań jobasy talqylanýda. Bul qujat adam saýdasynyń aldyn alý jáne onymen kúresý, jaýapty organdardy anyqtaıdy jáne osy qylmystyń qurbandaryn qorǵaý úshin sharalar júıesin engizedi.
«Mysaly, qazan aıynda «Qorǵas» halyqaralyq ortalyǵynyń aýmaǵynda saýyqtyrý ortalyǵy men qonaq úı kesheniniń astynda jumys istegen prıtondar men jasyryn kazınolardyń zańsyz qyzmeti toqtatyldy. 28 qylmystyq iste kámeletke tolmaǵandar jábirlenýshi boldy», – dedi IIM uıymdasqan qylmysqa qarsy kúres departamentiniń basshysy Qanat Nurmaǵambetov.
Qazaqstanda jarty jyl ishinde adam saýdasyna qatysty 111 qylmys anyqtalǵany buǵan deıin habarlanǵan bolatyn.
Sonymen qatar «Sana sezim» áıelder bastamalarynyń quqyqtyq ortalyǵynyń dırektory Shahnoza Hasanova jynystyq jáne eńbek quldyǵyna jıi ushyraıtyn qazaqstandyqtardyń portretin sıpattady.
«Adyrna» ulttyq portaly
