Almaty qalasynyŋ Almaly audandyq sotynda A. Kasenov, A. Mataev jäne basqa da tūlǧalarǧa qatysty qylmystyq ıstı qarau jalǧasuda, dep habarlaidy "Adyrna".
Sot otyrysy barysynda memlekettık aiyptauşy A. Kasenovqa qatysty üiqamaq türındegı būltartpau şarasyn küzetpen ūstauǧa özgertu turaly ötınışhat berdı.
Anyqtalǧandai, sottyŋ 2025 jylǧy 24 jeltoqsandaǧy qaulysymen Kasenovqa äleumettık jelıler men internet jelısın paidalanuǧa, kez kelgen hat-habardy aluǧa jäne jıberuge, sondai-aq internet, ūialy bailanys jäne qalalyq telefondy qosa alǧanda, kez kelgen bailanys qūraldaryn paidalanyp söilesuge jäne hat almasuǧa tyiym salynǧan üiqamaq türındegı būltartpau şarasy sanksiialanǧanyn körsettı.
Sonymen qatar, sottyŋ 2026 jylǧy 5 mausymdaǧy qaulysymen qylmystyq ıs öndırıske qabyldanyp, basty sot talqylauy taǧaiyndalǧan kezde būryn taŋdalǧan būltartpau şarasy özgerıssız qaldyrylǧan.
Soǧan qaramastan, Kasenov 2026 jylǧy 2 mausymda būqaralyq aqparat qūralynyŋ paraqşasynda qaralyp jatqan qylmystyq ıske qatysty jeke beineündeu jariialap, üiqamaq talaptaryn būzǧan. Sondai-aq 2026 jylǧy 15 mausymda internet-resurstarda qylmystyq ıs boiynşa mediasiia mäselesıne qatysty taǧy bır jeke beineündeu jariialaǧan.
Būdan bölek, ol 2026 jylǧy 11 mausym saǧat 10:00-de ötetın basty sot talqylauy turaly tiıstı türde habarlanǧanyna qaramastan, sot otyrysyna kelmegen. Osylaişa, ol sottyŋ alǧaşqy şaqyruy boiynşa kelu mındetın būzǧan.
Taraptardyŋ pıkırlerın tyŋdap, ūsynylǧan materialdardy zerttegen sot memlekettık aiyptauşynyŋ ötınışhatyn qanaǧattandyruǧa negızder bar degen qorytyndyǧa keldı.
Sot qaulysymen A.Kasenovqa qatysty būltartpau şarasy üiqamaqtan küzetpen ūstauǧa özgertıldı.
Kelesı sot otyrysy 22 mausym saǧat 10:00ge taǧaiyndaldy.
