28 قىلمىستىق ءىس بويىنشا جابىرلەنۋشىلەر كامەلەتكە تولماعان جاسوسپىرىمدەر بولىپ شىقتى، دەپ حابارلايدى «ادىرنا» ۇلتتىق پورتالى.
2023 جىلى قازاقستاندا ادام ساۋداسى بويىنشا 150 قىلمىستىق ءىس قوزعالدى. قازىرگى ۋاقىتتا ماجىلىستە «ادام ساۋداسىنا قارسى ءىس-قيمىل تۋرالى» زاڭ جوباسى تالقىلانۋدا. بۇل قۇجات ادام ساۋداسىنىڭ الدىن الۋ جانە ونىمەن كۇرەسۋ، جاۋاپتى ورگانداردى انىقتايدى جانە وسى قىلمىستىڭ قۇرباندارىن قورعاۋ ءۇشىن شارالار جۇيەسىن ەنگىزەدى.
«مىسالى، قازان ايىندا «قورعاس» حالىقارالىق ورتالىعىنىڭ اۋماعىندا ساۋىقتىرۋ ورتالىعى مەن قوناق ءۇي كەشەنىنىڭ استىندا جۇمىس ىستەگەن پريتوندار مەن جاسىرىن كازينولاردىڭ زاڭسىز قىزمەتى توقتاتىلدى. 28 قىلمىستىق ىستە كامەلەتكە تولماعاندار جابىرلەنۋشى بولدى»، – دەدى ءىىم ۇيىمداسقان قىلمىسقا قارسى كۇرەس دەپارتامەنتىنىڭ باسشىسى قانات نۇرماعامبەتوۆ.
قازاقستاندا جارتى جىل ىشىندە ادام ساۋداسىنا قاتىستى 111 قىلمىس انىقتالعانى بۇعان دەيىن حابارلانعان بولاتىن.
سونىمەن قاتار «سانا سەزىم» ايەلدەر باستامالارىنىڭ قۇقىقتىق ورتالىعىنىڭ ديرەكتورى شاحنوزا حاسانوۆا جىنىستىق جانە ەڭبەك قۇلدىعىنا ءجيى ۇشىرايتىن قازاقستاندىقتاردىڭ پورترەتىن سيپاتتادى.
«ادىرنا» ۇلتتىق پورتالى
