Astanada «Astana Opera» teatrynyń sahnasynda óner salasynyń úzdikteri anyqtalyp, shyǵarmashylyq ujymdar men sala qaıratkerlerine «Umai-2023» ulttyq syılyǵy tabystaldy.
«Umai-2023» ulttyq syılyǵynyń saltanatty rásimin Mádenıet jáne aqparat mınıstri Aıda Balaeva ashyp, baıqaýdyń barlyq qatysýshysyn quttyqtap, óner salasynyń ókilderine úlken shyǵarmashylyq jolda jańa jetistikter tilep jáne «Teatr óneri» nomınaııasy boıynsha: «Úzdik spektakl» (mýzykalyq dramalyq) «Gaýhartas» D.Isabekovtiń (qoıýshy rejısseri – Ashat Maemırov) Mýzykalyq jas kórermen teatry ujymyn marapattady.
Sonymen qatar, mınıstr Aıda Ǵalymqyzy ujymǵa aqshalaı syılyq (7 000 000 teńge) sertıfıkatyn tabystady.
«Daryndy shyǵarmashyl ujym men tulǵalardy qoldap jáne yntalandyryp jatqan QR Mádenıet jáne aqparat mınıstrligine alǵys bildiremiz. Sondaı-aq «Umai-2023» syılyǵy jańa jasampaz býyndy yntalandyryp, elimizdegi ónerdiń árbir baǵytyn damýyn jedeldetýshi, ulttyq mádenı kapıtalyn nyǵaıtatynyna senimimiz mol», - dedi Astana qalasy Mýzykalyq jas kórermender teatrynyń dırektory, rejısser Ashat Maemırov.
«Umai-2023» ulttyq syılyǵyn jeńip alǵan “GAÝHARTAS” mýzykalyq dramasy premerasy ótken kúnnen bastap, 8 aıdyń ishinde kórermen nazaryna "GAÝHARTAS" spektakli 155 márte usynyldy.
Qoıylymdy 65 myńǵa jýyq kórermen tamashalady.
“Osyndaı ómirsheń týyndy jazǵan jazýshy-dramatýrg Dýlat Isabekov aǵamyzǵa myń alǵys”, -dedi Ashat Maemırov
Aıta keteıik, jalpy júlde qory 79 mıllıon teńgeni quraıtyn Umai ulttyq syılyǵyn QR Mádenıet jáne aqparat mınıstrligi ótken jyldan beri óner sańlaqtaryna tabystap keledi.
