Prezident Qasym-Jomart Toqaev jeŋımpazdardy şyn jürekten qūttyqtap, olar naǧyz qazaq jauyngerı ruhynyŋ qandai bolatynyn älem jūrtşylyǧyna paş etkenın, Qazaqstannyŋ bedelın biıkke kötergenın atap öttı.
"Namysty qoldan bermei, bairaqty bäsekede top jardyŋyzdar! Sonyŋ arqasynda kök Tuymyz jelbıredı. Elımızdıŋ mereiı üstem boldy. Halqymyz sızderdı maqtan tūtady. Älemnıŋ 48 elınen 100-den astam komanda jinalǧan Dubaidaǧy dübırlı doda – halyqaralyq maŋyzy bar oqiǧa. Būl asa tartysty jarys dep aitsaq, qate bolmaidy. Sebebı barlyq komandalar bes kün boiy öte kürdelı maqsattarǧa qol jetkızu üşın köptegen tosqauyldardy eŋseruı qajet boldy. Bıraq bızdıŋ jauyngerler baryn saldy, äskeri mındetterdı mınsız oryndap, aqyry eŋ joǧary deŋgeidegı şeberlıkterın körsettı. Mūndai jarysqa är memleket özınıŋ eŋ myqty sarbazdaryn jıberedı. Soǧan qaramastan el ümıtın aqtap, üzdıkterdıŋ üzdıgı atanu oŋai emes ekenı anyq".Memleket basşysy Qasym-Jomart ToqaevPrezidenttıŋ aituynşa, būl kezdeisoq jetıstık emes. Är jetıstık – zor erık-jıger men qajyrly eŋbektıŋ jemısı.
"Är jeŋıs – myqty käsıbi daiyndyq pen asqan şeberlıktıŋ aiqyn körınısı. Özderıŋız bılesızder, byltyr osy bedeldı jarysta Qazaqstan qūramasy ekı kümıs jüldenı enşıledı. Biyl da sol jeŋıs jolyn jalǧastyryp, zor senım artqan ūlttyq komandamyz abyroimen oraldy. "Qazaqstan S" komandasy teŋdesı joq, iaǧni absoliuttı chempion atandy. Būl – tamaşa jetıstık, būl jeŋıs osy turnirdıŋ tarihynda qalady. Jyldar zymyrap ötedı, bıraq sızderdıŋ balalaryŋyz, osy quanyşty künderdıŋ kuäsı bolǧan, sızderdı qoldaǧan, sızderdı maqtan tūtqan barlyq adamdar būl jeŋıstı ärdaiym erekşe sezımmen eske alyp, aityp otyrady. Al "Qazaqstan A" komandasy ekınşı orynǧa ie boldy. Būl da öte jaqsy, bärımızdı quantqan keremet nätije", – dedı Qasym-Jomart Toqaev.Prezident "Tomiris" qyzdar qūramasynyŋ jetıstıgıne airyqşa toqtaldy.
"Sūlu qyzdarymyz öte joǧary deŋgeide öner körsettı, şeberlıkpen alǧa şyǧyp, äielder arasynda top jardy. Qazaqstannyŋ namysyn qorǧaǧan bes qūramanyŋ bärı de üzdık 20 komandanyŋ tızımıne kırdı. Būl naǧyz jasampaz otanşyldyq dep kümänsız aituǧa bolady. Törtkül dünie ūl-qyzdarymyzdyŋ myqtylyǧyna kuä boldy. Sondyqtan taǧy da atap ötkım keledı, sızder körsetken myqty taktikalyq daiyndyq, airyqşa küş-jıger men tamaşa toptyq jūmystyŋ arqasynda älem jūrtşylyǧy qazaqtyŋ batyl, qaisar jäne ör ruhty ūlt ekenıne köz jetkızdı. Barşaŋyzǧa şynaiy rizaşylyǧymdy bıldıremın. Barlyq bapker men jattyqtyruşyǧa jäne äskeri basşylarǧa, basqa da mamandarǧa zor alǧys aitamyn", – dedı Prezident.
Foto: Aqorda
"Būl – el taǧdyryna tıkelei äser etetın asa maŋyzdy şeşım bolmaq. Basty qūjattyŋ jobasynda egemendıgımızdı jäne memlekettıgımızdı nyǧaitatyn myzǧymas ruhani jäne qūqyqtyq qūndylyqtar bekıtıldı. Qazaqstan Respublikasynyŋ aumaqtyq, iaǧni jerınıŋ tūtastyǧy, egemendıgı, täuelsızdıgı, adam men onyŋ ömırı, barlyq azamattardyŋ qūqyqtary jäne bostandyqtary eŋ joǧary qūndylyqtar retınde jariialandy. Jauapty ärı jasampaz otanşyldyq ūǧymy aiqyndaldy. Ädılettı Qazaqstan ideiasy, Zaŋ jäne tärtıp qaǧidaty jaŋa Konstitusiia jobasynda laiyqty ornyn tapty. Mūnyŋ bärın ıs jüzınde ornyqtyru – barşaǧa ortaq perzenttık paryz. Tüptep kelgende, jaŋa Ata Zaŋymyz elımızdıŋ odan ärı damuyna jäne örken jaiuyna jol aşuy kerek. Al küştık qūrylymdar men arnaiy jasaqtar el täuelsızdıgı jäne halyq tūtastyǧynyŋ tıregı boluǧa tiıs. Sebebı aldymyzda tūrǧan maqsat– bıreu. Būl – keler ūrpaqqa quatty ärı ozyq memlekettı amanat etu. Bärımız bır el bolyp osy tarihi missiiany mındettı türde ıske asyramyz. El qorǧau – eŋ abyroily mındet. Naǧyz otanşyl, adal azamattar ǧana osy joldy taŋdaidy. Sızder keleşekte de ūlt müddesıne mınsız qyzmet ete beresızder dep senemın", – dedı Memleket basşysy.
Memleket basşysynyŋ Jarlyǧymen UAE SWAT Challenge-2026 halyqaralyq jarysynan jeŋıspen oralǧan bır top ofiser men äskeri qyzmetker Bauyrjan Momyşūly atyndaǧy II därejelı "Aibyn" ordenımen, "Jauyngerlık erlıgı üşın" medalımen jäne Qazaqstan Respublikasy Prezidentınıŋ Alǧysymen marapattaldy.
