İordaniia korolı II Abdalla Qazaqstan Prezidentı Qasym-Jomart Toqaevty İordan Haşimit koroldıgınıŋ eŋ joǧary memlekettık nagradasy – «Äl-Nahda» ordenımen marapattady, dep habarlaidy "Adyrna" ūlttyq portaly.
Korol Toqaevtyŋ İordaniia men Qazaqstan arasyndaǧy dostyq pen yntymaqtastyqty nyǧaituǧa qosqan ülesın erekşe atap öttı. Memleket basşysy būl marapatty zor qūrmetpen qabyldai otyryp, II Abdalla ben äl-Huseinge jäne iordan halqyna alǧysyn bıldırdı.
«Sızdı asa körnektı memleket qairatkerı ärı köşbasşy retınde baǧalaimyn. Būl marapat Qazaqstan men İordaniia arasyndaǧy özara senımge negızdelgen yntymaqtastyqtyŋ simvoly. Bügıngı kelıssözderdıŋ qorytyndysy serıktestıktı odan ärı nyǧaituǧa tyŋ serpın beredı dep senemın», – dedı Qasym-Jomart Toqaev.
Prezident ekı el arasyndaǧy konstruktivtı dialog pen tyǧyz qarym-qatynas aldaǧy uaqytta da keŋeie tüsıp, öŋırlık jäne jahandyq tūraqtylyqqa yqpal etetınıne senım bıldırdı.
