Şymkent qalasynyŋ prokurorlary äleumettık nesielık tūrǧyn üi aludyŋ qylmystyq shemasyn anyqtady, dep habarlaidy «Adyrna» tılşısı.
«Köşı-qon polisiiasy qyzmetkerınıŋ 16 adamǧa qatysty äleumettık baspana alu üşın tūrǧylyqty tırkelu uaqytyna zaŋsyz özgerıs engızu faktısı anyqtaldy.
Jinaqtalǧan qūjattar Qylmystyq kodekstıŋ 369-babynyŋ 2-1-bölıgınıŋ negızınde SDTBT-ge tırkeldı (qūqyq qorǧau organynyŋ qyzmetkerı jasaǧan qyzmettık jalǧandyq) jäne tergeu aiaqtalǧannan keiın qylmystyq ıs sotqa joldandy»,—delıngen habarlamada.
Köşı-qon polisiiasy qyzmetkerınıŋ kınäsı tolyq däleldendı. Ol «polisiia maiory» şenınen aiyrumen 1,5 jylǧa sottaldy.
Sonymen qatar taǧy 147 adamdy jalǧan tırkeuge qoiu faktısıne qatysty qylmystyq ıs boiynşa tergep-tekseru jalǧasuda.
