Toronto qalasyna qoný kezinde aýdarylǵan ushaqtaǵy barlyq jolaýshyǵa eshqandaı shartsyz 30 000 dollar ótemaqy usynyldy. Bul týraly Euronews jazdy, dep habarlaıdy “Adyrna” ulttyq portaly.
Delta Airlines áýe kompanııasy Toronto halyqaralyq áýejaıynda qoný kezinde aýdarylyp, órtengen ushaqta bolǵan barlyq jolaýshylarǵa 30 000 dollar ótemaqy usyndy.
Reıstegi 76 jolaýshy men tórt ekıpaj múshesiniń eshqaısysy qaza tappasa da, bárine ótemaqy usynyldy. Delta Airlines ókili bul usynystyń eshqandaı shartqa negizdelmegenin, ıaǵnı jolaýshylar áli de áýe kompanııasyna qarsy sotqa júginýge quqyly ekenin aıtty. Jalpy tólemniń boljamdy somasy 2,3 mıllıon dollardy quraıdy.
17 aqpanda amerıkandyq Delta Airlines áýe kompanııasynyń ushaǵy Torontonyń Pırson áýejaıynda qoný kezinde aýdarylyp qalǵan bolatyn. Apat saldarynan 21 jolaýshy jaraqat aldy.
Kýágerlerdiń aıtýynsha, ushaq qatty qonǵandyqtan, onyń oń jaq qanaty men artqy bóligi úzilip, ushaq órtenip, qoný jolaǵynda aýdarylyp qalǵan.
Avıaııalyq sarapshylardyń pikirinshe, apat sebebine jerdegi jaǵdaılar, ushqyshtyń qoný aldynda jasaǵan áreketteri men shassı máseleleri bolýy múmkin. Tergeýdi Kanadanyń kólik qaýipsizdigi keńesi AQSh-tyń Ulttyq kólik qaýipsizdigi keńesiniń qoldaýymen júrgizip jatyr.
