Ekologııa jáne tabıǵı resýrstar mınıstri Erlan Nysanbaev Álııa Nazarbaevanyń Astanadaǵy qoqys shyǵaratyn kompanııamen baılanysy týraly suraqqa jaýap berdi, dep habarlaıdy «Adyrna» ulttyq portaly.
«Búginde ÓKM 100 paıyz memlekettik kásiporyn. Buǵan deıin bul jeke kásiporyn bolǵan jáne onyń (Álııa Nazarbaevanyń) kásiporny bolǵan shyǵar, men naqty bilmeımin. Al búgin men Nazarbaevanyń birde bir kásiporynǵa, qaldyqtardy óńdeýge de, suryptaýǵa da eshqandaı qatysy joq ekenin resmı túrde málimdeımin», - dedi mınıstr úkimet brıfınginde.
Eske salaıyq, qyrkúıekte Ekologııa jáne tabıǵı resýrstar mınıstri Erlan Nysanbaevqa Álııa Nazarbaevanyń kompanııasy Astanada qoqys shyǵarýmen aınalysa ma degen suraq qoıylǵan bolatyn.
«Adyrna» ulttyq portaly
