Qazaqstan Respublikasy Bas prokuraturasy memleket paidasyna 1,9 milliard teŋge kölemınde aktivterdıŋ qaitarylǧanyn mälımdedı, dep habarlaidy “Adyrna” ūlttyq portaly Orda.kz-ke sıltep.
Atalǧan somanyŋ ışınde «Operator ROP» JŞS-nıŋ sottalǧan qyzmetkerlerınen öndırılgen qarajattar men LRT jobasyna qatysty aktivter bar. Prokuraturanyŋ alǧaşqy habarlamasynda 2023 jyly «Operator ROP» ısı boiynşa memleketke bır milliard teŋge tärkılenıp, qaitarylǧany aitylǧan. Alaida būl habarlama keiınırek öşırıldı.
Soǧan qaramastan, «Astana LRT» dep tanylǧan «City Transportation Systems» JŞS-ge qatysty mälımetter özgerıssız qaldy. Prokuratura ökılderınıŋ mälımdeuınşe, kompaniianyŋ qūryltaişysy – Astana qalasynyŋ äkımdıgı, al aktivter memleketke qaitarylǧan.
"Memleketke jalpy qūny 920 million teŋge bolatyn 40 jyljymaityn mülık obektısı – 39 kommersiialyq ǧimarat jäne 12,8 gektar aumaqtaǧy temırjol uchaskesı berıldı. Būdan bölek, qazırgı uaqytta qūny 615 million teŋgege baǧalanǧan 37 nysandy qaitaru prosesı jürıp jatyr", – delıngen resmi mälımdemede.
Orda.kz redaksiiasy «Operator ROP» ısıne qatysty qaitarylǧan aktivter jönınde naqty tüsınıkteme alu üşın Bas prokuraturaǧa resmi saual joldaǧanyn habarlady.
BAQ betterınde aktiv qaitarǧandardyŋ qatarynda Äliia Nazarbaevaǧa tiesılı kompaniialardyŋ da bar ekenı turaly aqparat tarady.
Aita keteiık, aktivterdı qaitaru – elde jürgızılıp jatqan zaŋsyz şyǧarylǧan qarajat pen mülıktı memleketke qaitaru şaralarynyŋ bır bölıgı.
Ūqsas jaŋalyqtar
