Eks-prezıdent Nursultan Nazarbaevtyń qyzy Álııa Nazarbaevaǵa reıderlik shabýyl jasady degender halyqaralyq organdarǵa shaǵymdanbaq, dep habarlaıdy “Adyrna” ulttyq portaly QazTAG agenttigine siltep.
Ózderin Álııa Nazarbaevanyń reıderlik basyp alýynyń qurbanymyz dep sanaıtyn jáne «Eski Qazaqstan qurbandary» qozǵalysyna birikken kásipkerler shetelde quqyqtyq qoldaý izdep júr.
Mamyrdyń 16-sy kúni Almatyda ótken baspasóz máslıhatynda «Eski Qazaqstan qurbandary» qozǵalysynyń ókilderi óz múddelerin qorǵaý úshin halyqaralyq bılikke júginýge ýáde berdi. Tuńǵysh prezıdenttiń qyzy bıznesin basyp aldy dep aıyptaǵan «TPK Asia» kompanııasynyń burynǵy ıeleriniń biri, kásipker Nurlan Bımýrzın Qazaqstanda onyń bıznesine eshqandaı ilgerileýshilik jasalmaǵanyn aıtty.
«Aqpan aıynda biz Bas prokýratýraǵa aryz berdik. Ol isti polıııaǵa jetkizdi. Ol óz kezeginde materıaldardy Almaty qalasy Almaly aýdandyq ishki ister basqarmasyna tapsyrdy, biraq bizdiń Almaly aýdanyna esh qatysymyz joq. Qylmystyq is qozǵaýdan bas tartyp, materıaldardy Almaty qalalyq Ekonomıkalyq damý departamentine tapsyrdy da, olar bizge: «Bizdiń buǵan ne qatysymyz bar»,- dedi. Biz tergeý sotyna aryz berdik, olar bizden bas tartty, sosyn qalalyq sotqa berdik, ol da solaı istedi. Biz óz elimizde, óz úıimizde qorǵan taýyp, ádildikke jete almaı jatyrmyz»,- dep shaǵymdandy Nurlan Bımýrzın.
Nurlan Bımýrzınniń aıtýynsha, mundaı jaǵdaıda «Eski Qazaqstannyń qurbandary» halyqaralyq deńgeıge shyǵýǵa jol izdeýge májbúr. TPK Asia-nyń burynǵy ıeleri ózderiniń múddelerin qorǵaý jáne reıderlik basyp alý faktisin dáleldeý úshin halyqaralyq zań fırmalarymen yntymaqtasýǵa nıetti.
Ol sondaı-aq, Nazarbaevanyń reıderlik basyp alýynan zardap shekkenderdiń barlyǵyn ózderine qosylýǵa shaqyrdy.
«Men olardyń kóp ekenine senimdimin. Tek osynda otyrǵanymyzǵa, aman, saý ekenimizge nazar aýdartqymyz keledi. Bizge eshteńe bolǵan joq, qoqan-loqqylarǵa qaramastan, nıetimiz, ynta-jigerimiz, rýhymyz bıik!». – dedi Bımýrzın.
Advokat Oljas Ábilqaıyr bul isti qaraý kezinde qyzyqty aqparat jarııalady.
«Eń qyzyǵy, bizdiń elde zań bar, biraq eń ókinishtisi – ol bireýdiń múddesin qorǵaıdy, al bireýdiń múddesin kezdeısoq taptaıdy. Eger adam T5 tapsa, oǵan salyq salynady. Árbir qadam baqylanady. Salyq organdary bolsyn, kez kelgen quqyq qorǵaý organdary bolsyn, az mólsherde, tipti siz T5 qaryzyńyz bolsa da, olar sizden alyp tastaıdy jáne sizdiń barlyq shottaryńyzdy buǵattaıdy. Al bıznesten alynǵan mıllıardtaǵan qarajatqa qatysty sharalar qoldanylmaıdy. Muny qalaı túsinýimiz kerek?» – dep surady advokat.
Ol Konstıtýııalyq Keńestiń burynǵy tóraǵasy Igor Rogovtyń áıeli Valentına Rogovanyń róline bólek toqtaldy.
«Valentına Rogova Bımýrzınniń aqparaty jalǵan dep málimdegen, biraq 2004 jyly bul qujattarǵa sáıkes Valentına Rogova Álııa Nazarbaevanyń kompanııasynyń dırektory bolǵan. Al 2001 jyly kompanııany bul adamnan tartyp alǵan kezde, Igor Rogov Ádilet mınıstri boldy. Osyǵan baılanysty suraq týyndaıdy: ol áıeliniń mundaı áreketke barǵanyn bildi me, álde onyń yqpalyn paıdalanyp, oǵan kómektesti me?» – dedi Ábilqaıyr.
Al, qoǵam belsendisi Jarqyn KúrentaevTPK Asia-ny tárkileý isi boıynsha jańa qujattar alǵanyn habarlady. Onyń aıtýynsha, olar Valentına Rogovanyń tıimdi bızneske qatysty shemaǵa qatysýyn rastaı alady.
«Naýryz aıynyń basynda BAQ Valentına Rogovanyń Nazarbaeva hanymǵa zańgerlik qyzmet kórsetkeni týraly málimdemesin taratty. Biraq onyń 95 paıyzy Álııa Nazarbaevaǵa tıesili «Arlan» holdınginiń dırektory qyzmetin atqarǵany týraly qujat bar»,- dep atap ótti Jarqyn Kúrentaev.
Qoǵam belsendisi qazaqstandyq quqyq qorǵaý organdarynan kómek bolmaǵandyqtan, ózderin «Eski Qazaqstannyń qurbandary» sanaıtyn kásipkerler AQSh, Ulybrıtanııa, Franııa jáne Shveıarııa elderindegi sheteldik bılik organdaryna habarlasyp, aqparat suraýǵa májbúr bolǵanyn atap ótti.
«Biz Álııa Nazarbaevanyń múlki osy jerde ornalasqan dep kúdiktenemiz. Biz halyqaralyq zań fırmalarymen kelisimge qol qoıyp, onyń sheteldegi múlkin tintip, tárkileımiz»,- dedi Jarqyn Kúrentaıuly.
Qoǵam belsendisi «Álııa Nazarbaevanyń «Alem LTD» JShS kompanııasy Wellness Club Luxor fıtnes-ortalyǵyn salǵan jer telimin qalaı alǵanyn tekserýdi surap, aktıvterdi qaıtarý komıtetine ótinish joldaǵanyn aıtty.
