Экология министрі Әлия Назарбаеваға қатысты сұраққа жауап берді

Экология және табиғи ресурстар министрі Ерлан Нысанбаев Әлия Назарбаеваның Астанадағы қоқыс шығаратын компаниямен байланысы туралы сұраққа жауап берді, деп хабарлайды «Адырна» ұлттық порталы.

«Бүгінде ӨКМ 100 пайыз мемлекеттік кәсіпорын. Бұған дейін бұл жеке кәсіпорын болған және оның (Әлия Назарбаеваның) кәсіпорны болған шығар, мен нақты білмеймін. Ал бүгін мен Назарбаеваның бірде бір кәсіпорынға, қалдықтарды өңдеуге де, сұрыптауға да ешқандай қатысы жоқ екенін ресми түрде мәлімдеймін», - деді министр үкімет брифингінде. Еске салайық, қыркүйекте Экология және табиғи ресурстар министрі Ерлан Нысанбаевқа Әлия Назарбаеваның компаниясы Астанада қоқыс шығарумен айналыса ма деген сұрақ қойылған болатын.

«Адырна» ұлттық порталы