Sybailas jemqorlyqqa qarsy qyzmet «Azamattarǧa arnalǧan ükımet» memlekettık korporasiiasynyŋ Astana qalasy boiynşa mamandandyrylǧan departamentınıŋ ūiymdasqan tobyna jäne azamattyq tūlǧalarǧa qatysty sotqa deiıngı tergeudı aiaqtady, - dep habarlaidy "Adyrna" portaly.
Vedomstvonyŋ mälımetınşe, qylmystyq ıs «SC Web-Module» jäne «HQKO İAJ» aqparattyq jüielerıne kölık qūraldary turaly mälımetterdı zaŋsyz engızu jäne joiu, mämılelerdıŋ jazbaşa nysandaryn būrmalau faktılerı boiynşa tergeldı.
"Qylmystyq top 2022 jyldyŋ qaŋtar-mamyr aralyǧynda zaŋda belgılengen alymdar men tölemderdı tölemei, şetelden äkelıngen 475 avtokölıktı zaŋsyz tırkegenı anyqtaldy. Osyǧan bailanysty memleketke 1,4 mlrd. teŋge somasynda asa ırı kölemde zalal keltırılgen.
Barlyǧy 30 adam qylmys jasady degen küdıkke ılıngen. Olardyŋ qatarynda Astanadaǧy No2 Arnauly halyqqa qyzmet körsetu ortalyǧynyŋ basşysy, tört polisiia qyzmetkerı men kölıkterdı zaŋsyz tırkeude öz qyzmetterın ūsynǧan deldaldar bar. Qazırgı uaqytta qylmystyq ıs materialdary tekserılude», - dedı Antikor.Sybailas jemqorlyqqa qarsy qyzmet qazaqstandyqtardy avtokölıkterdı tırkeu kezınde deldaldardyŋ qyzmetın paidalanbauǧa şaqyrady. Eske salaiyq, 2022 jyldyŋ tamyzynda Sybailas jemqorlyqqa qarsy qyzmet arnaiy HQKO qyzmetkerlerı men polisiia qyzmetkerlerı kölıkterdı tırkeu kezınde zaŋsyz baiu shemasyn paidalanǧanyn mälımdegen. Antikordyŋ aituynşa, Astanada da osyndai shema toqtatyldy.
"Adyrna" ūlttyq portaly
Ūqsas jaŋalyqtar
