Astanada qyzmet barysynda qaza tapqan jedel järdem feldşerı Ūldana Myrzuannyŋ ölımıne qatysty qylmystyq ıs boiynşa sot otyrysy ötıp jatyr, dep habarlaidy "Adyrna" ūlttyq portaly.
Sotta memlekettık aiyptauşy Nūrdäulet Äbuov sot-medisinalyq saraptamanyŋ qorytyndysyn jariialady.
Saraptamaǧa säikes, Ūldana Myrzuan aşyq bas-mi jaraqatynan qaitys bolǧan. Jaraqat bas süiegınıŋ bırneşe jerden synuy, miǧa qan qūiylu jäne midyŋ soǧyluymen qatar jürgen.
Mamandar marqūmnyŋ sol jaq töbe tūsynda soǧylǧan jaraqattar, ekı közınıŋ ainalasynda gematomalar jäne köz ūialarynyŋ qabyrǧalary synǧanyn anyqtaǧan. Sonymen qatar bet süiekterı men bas süiegınıŋ maŋdai, töbe jäne samai bölıkterınde synyqtar bolǧan.
Saraptama barysynda subduraldy, epiduraldy jäne subarahnoidaldy gematomalar anyqtalǧan. Mi ısınıp, sonyŋ saldarynan mi baǧany qūrylymdary ülken şüide tesıgıne qarai yǧysqan.
Sarapşylar būl jaraqattardy densaulyqqa auyr ziian keltıretın jaraqattar dep baǧalaǧan. Sondai-aq bas-mi jaraqaty men feldşerdıŋ ölımı arasynda tıkelei sebep-saldarlyq bailanys bar ekenı körsetılgen.
Qylmystyq ıs boiynşa sot otyrystary jalǧasyp jatyr.
