Nazarbaev Zııatkerlik mektepteriniń 500-den astam oqýshysy jalpy bilim beretin pánder boıynsha respýblıkalyq olımpıadanyń jelilik kezeńine qatysýda.
Aqtaýdaǵy Nazarbaev Zııatkerlik mektebiniń 45 oqýshysy jelilik kezeńde baq synasa, onyń 26-y respýblıkalyq olımpıadanyń jaratylystaný-matematıkalyq baǵyty boıynsha synaq tapsyrdy. Qoǵamdyq-gýmanıtarlyq baǵytty tańdaǵan 19 zııatker úshin búgin alǵashqy týr bastaldy.
Hımııa páninen olımpıadaǵa qatysqan 9 synyp oqýshysy Sanjar Jakýbov, olımpıadanyń jelilik kezeńi sátti ótkenin aıtty:
- Jelilik kezeń sátti ótti, jaqsy nátıje kórsettim dep oılaımyn. Ótken jylmen salystyrsaq tapsyrmalar sál kúrdeli boldy, alaıda oǵan qaramastan qolymnan kelgenshe tyrystym. Olımpıada qorytyndysyn tolqynyspen kútýdemin.
Sanjar Jakýbov, hımııadan ótken jylǵy respýblıkalyq pándik olımpıadanyń 3 oryn ıegeri.
Al, matematıka páninen bilimin synaǵan, Zııatkerlik mekteptiń 10 synyp oqýshysy Damır Nýrlanov, esepter óte qyzyq, ári ony shyǵarýda jaqsy áser alǵanyn jetkizdi:
- Eki kún qatarynan ótken jelilik olımpıadada matematıka páninen kelgen esepter óte qyzyq boldy, ári ony shaǵarýda jaqsy áser aldym. Olımpıadaǵa daıyndyqty mektepishilik kezeńinen keıin birden bastap kettim, sondyqtan jaqsy jazdym degen oıdamyn. Olımpıadaǵa qatysýdyń bir paıdasy ótken jylǵy nátıjeńdi, deńgeıińdi salystyryp ony jaqsartýǵa keremet múmkindik.
Aıta keteıik Damır, ótken jyly matematıka páninen respýblıkalyq pándik olımpıadada 2 orynǵa ıe bolǵan bolatyn.
Jelilik kezeńniń jeńimpazdary men júldegerleri naýryz-sáýir aılarynda ótetin respýblıkalyq olımpıadada «Nazarbaev Zııatkerlik mektepteri» derbes bilim berý uıymynyń quramasyn tanystyrady.
