Tarazdyq turǵyndarǵa ystyq sý qyrkúıek aıynda beriledi

2225
Adyrna.kz Telegram

Taraz qalasynda turǵyndarǵa ystyq sý qyrkúıek aıynda beriledi. Bul týraly búgin ÓKQ alańynda ótken baspasóz konferenııasynda aıtyldy, – dep habarlaıdy “ZhambylNews” Aqparattyq Agenttigi.

Jıynǵa Jambyl oblysy ákimdiginiń energetıka jáne turǵyn úı-kommýnaldyq sharýashylyq basqarmasy basshysynyń orynbasary Qudaıbergen Qorǵanbaev, «Tarazenergoortalyq» AQ prezıdenti Abýtalıp Serıkbaev, «Taraztransenergo» MKK dırektorynyń m.a. Jaqsylyq Jogıbaev, «Temir Jol-Jylý» MKK dırektory Ǵaını Isabekov qatysty.

Spıkerlerdiń sózinshe, Taraz qalasynyń jylýmen qamtamasyz etetin kásiporyndarynda 2019-2020 jyldarǵa jylytý maýsymyna daıyndyq is-shara jospary ázirlenip bekitilgen. Aǵymdaǵy jyly oblys boıynsha jylýmen qamtıtyn kásiporyndar aǵymdaǵy jáne kúrdeli jóndeý jumystaryna 626,83 mln. teńge qarastyrylǵan.

Al «Jambyl-Jylý» kásiporynnyń RK-1 qazandyǵynan qaladaǵy 82 kópqabatty turǵyn úıler ystyq sý alýda, ıaǵnı, ystyq sý aldaǵy jylytý maýsymyna deıin úzdiksiz beriletin bolady. Olar: «Qarataý» (2), «Qarasý» (5) yqsham aýdandary men «Massıv Qarasý», «Qant kenti» massıvteri.

Sondaı-aq, «TemirJol-Jylý» kásiporny boıynsha «Gazovaıa» qazandyǵynan Baızaq batyr kóshesindegi 19 kópqabatty turǵyn úıge ystyq sý berýdi aǵymdaǵy jyldyń 5 maýsymynan bastap toqtatyldy. Bekitilgen jospar boıynsha atalǵan ýchaskide jylý jelileriniń jóndeý jumystary júrgiziletin bolady.

Pikirler