Atyrau oblysynda joǧalyp ketken otbasyǧa qatysty ıs turaly bırneşe derekter belgılı boldy, dep habarlaidy "Adyrna" ūlttyq portaly.
BAQ taratqan derekke süiensek, ekı adamnyŋ mäiıtı tabylǧan. Qaza tapqandardy öltırıp, şaruaşylyq maqsattaǧy qūrylystyŋ ışınde jasyryn jerlegen boluy mümkın ekenı aityluda.
Qazırgı taŋda oqiǧa ornynda qūqyq qorǧau organdarynyŋ qyzmetkerlerı jūmys ıstep jatyr. Tergeu amaldary jürgızılıp, tiıstı saraptamalar taǧaiyndalǧan. Qaza tapqandardyŋ jeke basy äzırge resmi türde rastalǧan joq. Alaida aldyn ala derekterge säikes, olar joǧalǧan otbasynyŋ jasy ülken müşelerı boluy yqtimal.
Sonymen qatar beiresmi derekközderde būl qylmysqa joǧalǧan otbasynyŋ küieu balasynyŋ qatysy boluy mümkın degen boljam aityluda. Alaida polisiia būl aqparatty rastaǧan joq jäne ony tek nūsqalardyŋ bırı retınde qarastyryp otyr.
Jurnalist Gülmira Äbıqai jelıdegı paraqşasynda beine jariialap, ıs turaly aqparatty bölıstı.
"Atyrau oblysynyŋ Jangeldı auylynda ekı adamnyŋ denesı tabyldy. Olar ız-tüssız joǧalǧan otbasynyŋ müşelerı — otaǧasy men äielı bolyp şyqty. Mäiıtter sol auyldaǧy qoradan tabylǧan.
Būl turaly marqūmdardyŋ qaryndasy Äsilä Mūqanǧalieva habarlady", - delıngen jurnalist jazbasynda.
