Búgin elordada kásipkerlerge Prezıdenttiń «Altyn sapa» syılyǵy tabystaldy. Jeńimpazdardy marapattaý rásimine bıznes ókilderi elimizdiń túkpir-túkpirinen jınaldy. Memleket basshysy Qasym-Jomart Toqaev laýreattarǵa el ekonomıkasyna qosqan úlesi úshin rızashylyǵyn bildirip, syılyqtyń kóptegen jylboıy ıgi dástúrge aınalǵanyn atap ótti.
«Barshańyzdy «Altyn sapa», «Paryz», «Qazaqstannyń úzdik taýary» baıqaýlarynyń óz máresine jetýimen quttyqtaımyn! Biz jyl saıyn osy saltanatty jıynda el damýyna eleýli úles qosqan kásipkerlerge qurmet kórsetemiz. Bul – talaı jyldan beri jaqsy dástúrge aınalǵan mańyzdy is-shara. Qazir Qazaqstanda bıznes salasy qarqyndy damyp keledi. Buǵan memleket tarapynan barlyq jaǵdaı jasalyp jatyr. Shaǵyn jáne orta bıznestiń ishki jalpy ónimdegi úlesi 36 paıyzdan asty. Bul – shyn máninde, joǵary kórsetkish. Osy salada jumys isteıtin adamdardyń sany 4,3 mıllıonǵa jetti. Iaǵnı eńbekke jaramdy azamattardyń 45 paıyzy degen sóz», – dedi Memleket basshysy Qasym-Jomart Toqaev.
«Úzdik ındýstrııalyq joba» arnaıy syılyǵyn Qostanaı oblysynyńsút jáne ashytylǵan sút ónimderin óndiretin «DEP» JShS aldy. Al «Úzdik ınnovaııalyq joba syılyǵyn Mańǵystaý oblysynyń «CleanFieldKazakhstan»aldy. Jeńimpaz JShS burǵylaý, munaı qoqyry, lastanǵan topyraq jáne basqa da munaımen lastanǵan jerlerdi munaıdan tazalaıdy.
«Prezıdent Qasym-Jomart Kemeluly jáne «Atameken» UKP basshylyǵyna kásipornymyzǵa joǵary baǵa bergenine rızashylyǵymyzdy bildiremiz. 2021 jyly óndiristik keshenimizdi kelisimsharttyq aýmaqqa ornalastyrdyq. Qazaqstanda alǵashqy bolyp aralas tehnologııamen munaı-gaz qaldyqtary sińgen topyraqty óńdeý boıynsha eýropalyq jabdyq pen ádisteme paıdalandyq. Óz jumysymyzdy búkil respýblıka aýmaǵynda taratýdy josparlap otyrmyz. Sondaı-aq Qazaqstanda tirkelgen munaı servıstik uıym retinde shet elderge eksporttaýdy da kózdep otyrmyz», – dedi jeńimpaz, «CleanFieldKazakhstan» JShS dırektory Bektas Ábdimanapov.
Marapattaý rásiminde «CleanFieldKazakhstan» JShS jáne basqa kompanııalardyń ónimderi foıede ınstallıaııa retinde usynyldy. Bul ónimderdi «Atameken» UKP tóralqa tóraǵasy Raıymbek Batalov pen «Atameken» UKP Tóralqasy janyndaǵy Isker áıelder keńesiniń tóraıymy Lázzat Ramazanova Memleket basshysyna tanystyrdy.
Atap aıtqanda, «Bir aýyl – bir ónim» jobasy tanystyryldy. Bul jobany Ulttyq palata jergilikti ónimniń sapasyn arttyrý, jergilikti brendter qurý, marketıng jáne naryqtaǵy ónimniń qundylyǵyn arttyrý maqsatynda iske asyrady.
«Bıyl biz joba aýqymy men gradaııasyn keńeıttik. Sondyqtan baıqaýǵa shaǵyn jáne orta bıznes te qatysty. Olardyń ónimderi óńirde «Bir aýyl – bir joba» sheńberine stendterde tanystyryldy. Bul ıdeıa bıyl synaqtan ótti, al kelesi jyly shaǵyn jáne mıkro bızneske arnalǵan jeke «Altyn sapa» syılyǵy bolady. Biz lokalızaııa men qazaqstandyq qamtýǵa da nazar aýdardyq. Ekinshi stendte jeńil ónerkásip ónimderi usynylǵan. Búgin Memleket basshysy stendti qarap, búgingi kúnniń aıazynda sharaǵa otandyq aıaq kıim kıip kelgenin aıtty. Bul da úlken kórsetkish»,– dedi «Atameken» Ulttyq kásipkerler palatasynyń basshysy Raıymbek Batalov.
QR Prezıdentiniń «Altyn sapa» syılyǵy jyl saıyn ótedi. Baıqaýda «Óndiristik maqsattaǵy úzdik kásiporyn», «Halyqqa arnalǵan taýar shyǵaratyn úzdik kásiporyn», «Qyzmet kórsetetin úzdik kásiporyn», «Azyq-túlik jáne/nemese aýylsharýashylyq ónimderin shyǵaratyn úzdik kásiporyn» atty 4 nomınaııadan bólek «Úzdik ındýstrııalyq joba» jáne «Úzdik ınnovaııalyq joba» arnaıy syılyqtary qarastyrylǵan.
Syılyqtyń 14 laýreaty dıplomdar, baıqaý emblemasymen jáne jeńimpazdardy kelesi kezeń – TMD-nyń Ónim jáne qyzmet kórsetý sapasy salasyndaǵy baıqaýyna qatysýyn yntalandyrý úshin 450 AEK mólsherinde aqshalaı syıaqymen marapattalady.
Eske salsaq, baıqaýdyń basty maqsaty – otandyq ónimniń sapasyn arttyrý. Uıymnyń ónim nemese qyzmet sapasy salasynda eleýli nátıjelerge qol jetkizýi, ónim qaýipsizdigin qamtamasyz etý, sondaı-aq uıymnyń sapany basqarýdyń joǵary tıimdi ádisterin engizýi basty krıterıı sanalady. Bıyl baıqaýǵa qatysýǵa 221 kompanııa ótinim bergen.
«Adyrna» ulttyq portaly
