Qasym-Jomart Toqaev türkıtıldes memleketterdıŋ yntymaqtastyq keŋesı sammitınıŋ aşyluynda söz söiledı, dep habarlaidy "Adyrna" ūlttyq portaly, zakon.kz saityna sılteme jasap.
Qazaqstan Prezidentı 1992 jyly Ankaradaǧy alǧaşqy kezdesu kezınde Nūrsūltan Nazarbaev türkı elderınıŋ basşylary būdan ärı qasiettı Türkıstanda bas qosady dep aitqanyn eske aldy. Sonymen qatar, el Prezidentı Türkıstan - bükıl türkı halyqtary üşın qasiettı oryn ekenın atap öttı.
"Bız būl kezdesudı barlyǧymyz üşın qasiettı jer - Türkıstanda ūiymdastyrudy josparladyq. Alaida, pandemiianyŋ jaǧdaiynyŋ uşyǧuyna bailanysty sammittı onlain formatta ötkızu turaly şeşım qabyldandy. Pandemiia bıtkennen keiın bärımız būrynǧydai kezdesetınımızge senımdımın. Osy mümkındıktı paidalana otyryp, barşaŋyzdy Nauryz merekesımen taǧy da qūttyqtaimyn. Men barlyq bauyrlas elderge ösıp, örkendeudı tıleimın. Endı men ıs-şaranyŋ ūiymdastyruşysy retınde Türkı keŋesınıŋ beiresmi sammitın aşyq dep jariialaimyn» dedı Toqaev.Qazaqstan Respublikasy Prezidentınıŋ aituynşa, «bızdıŋ ata-babalarymyz ūly ūstaz Qoja Ahmet Iаssauiden dıni bılım alyp, bükıl türkı islam mädenietın bükıl älemge taratqan. Türkı halqy Kışı Aziiaǧa bet būrǧan kezde osy qūndylyqtardyŋ barlyǧy bızdıŋ küş-jıgerımızdı küşeitudıŋ negızı bolyp qalyptasty». Toqaev türkıtıldes elderdıŋ maqsaty, türkı älemın 21 ǧasyrdaǧy eŋ maŋyzdy ekonomikalyq, mädeni jäne gumanitarlyq keŋıstıkterdıŋ bırıne ainaldyru ekenın atap öttı.
"Men türkı örkenietın jaŋǧyrtudy eŋ aldymen Iаssaui mūrasy men qasiettı Türkıstandy bükıl älemge tanystyrudan bastauǧa şaqyramyn. Sondyqtan bügıngı sammit «Türkıstan - türkı älemınıŋ ruhani astanasy» dep atalady. Elbasy Nūrsūltan Nazarbaevtyŋ bastamasymen Türkıstan qalasy tübegeilı özgerıp, jaŋa kelbetke ie boldy" dedı Toqaev.2021 jyly türkıtıldes memleketterdıŋ yntymaqtastyq keŋesınıŋ sammitı onlain rejimde ötıp jatyr. Sammitte Qazaqstan Respublikasynyŋ Tūŋǧyş Prezidentı men memleket basşylary da söz söileidı.
"Adyrna" ūlttyq portaly
Ūqsas jaŋalyqtar
