Memleket basşysy Qasym-Jomart Toqaev Qazan qalasyndaǧy «Bolaşaq oiyndary» halyqaralyq turnirınıŋ aşylu räsımıne bardy. Prezident şaqyrtu üşın Resei prezidentıne alǧysyn bıldırdı, dep habarlaidy “Adyrna” ūlttyq portaly. Būl turaly Aqorda saity jazdy.
Qasym-Jomart Toqaev Qazaqstan men Resei arasyndaǧy ekıjaqty qatynastardyŋ qarqyndy damyp kele jatqanyn atap öttı.
”Būl – bızdıŋ jaŋa jyldaǧy alǧaşqy kezdesuımız, Vladimir Vladimirovich. Bız bärımız Reseide 17 nauryzda ötetın prezident sailauyn kütıp otyrmyz. Tüpkılıktı nätijenıŋ oidaǧydai bolaryna kümänımız joq. Öitkenı Resei Sızdıŋ bedeldı basşylyǧyŋyzben taŋqalarlyq tabysqa qol jetkızıp keledı. Şyn mänınde, Sız öz mälımdemelerıŋızben, ıs-äreketıŋızben jahandyq kün tärtıbın qalyptastyrasyz. Būl bızdıŋ yntymaqtastyǧymyzǧa jäne Sızdıŋ byltyr qaraşa aiynda Qazaqstanǧa jasaǧan memlekettık saparyŋyz kezınde qol jetkızılgen uaǧdalastyqtardyŋ oryndaluyna oŋ yqpalyn tigızetını sözsız. Menıŋ oiymşa, qos tarap, ekı eldıŋ ükımetterı atalǧan uaǧdalastyqtardy tabysty jüzege asyryp jatyr. Qazırdıŋ özınde naqty nätije bar”, – dedı Qazaqstan Prezidentı.
Ūqsas jaŋalyqtar
