Memleket basshysy Qasym-Jomart Toqaev Qazan qalasyndaǵy «Bolashaq oıyndary» halyqaralyq týrnıriniń ashylý rásimine bardy. Prezıdent shaqyrtý úshin Reseı prezıdentine alǵysyn bildirdi, dep habarlaıdy “Adyrna” ulttyq portaly. Bul týraly Aqorda saıty jazdy.
Qasym-Jomart Toqaev Qazaqstan men Reseı arasyndaǵy ekijaqty qatynastardyń qarqyndy damyp kele jatqanyn atap ótti.
”Bul – bizdiń jańa jyldaǵy alǵashqy kezdesýimiz, Vladımır Vladımırovıch. Biz bárimiz Reseıde 17 naýryzda ótetin prezıdent saılaýyn kútip otyrmyz. Túpkilikti nátıjeniń oıdaǵydaı bolaryna kúmánimiz joq. Óıtkeni Reseı Sizdiń bedeldi basshylyǵyńyzben tańqalarlyq tabysqa qol jetkizip keledi. Shyn máninde, Siz óz málimdemelerińizben, is-áreketińizben jahandyq kún tártibin qalyptastyrasyz. Bul bizdiń yntymaqtastyǵymyzǵa jáne Sizdiń byltyr qarasha aıynda Qazaqstanǵa jasaǵan memlekettik saparyńyz kezinde qol jetkizilgen ýaǵdalastyqtardyń oryndalýyna oń yqpalyn tıgizetini sózsiz. Meniń oıymsha, qos tarap, eki eldiń úkimetteri atalǵan ýaǵdalastyqtardy tabysty júzege asyryp jatyr. Qazirdiń ózinde naqty nátıje bar”, – dedi Qazaqstan Prezıdenti.
