ÁSKERI ESTAFETA ÓTTI

3757
Adyrna.kz Telegram

M.H.Dýlatı atyndaǵy Taraz memlekettik ýnıversıtetiniń áskerı kafedrasy jyl saıynǵy dástúrge saı Otan qorǵaýshylar kúnine jáne Uly Otan soǵysy Jeńistiń 74 jyldyǵy merekesi aldynda jalaýy jelbiregen estafeta uıymdastyrdy.

Estafetaǵa barlyǵy 15 komanda qatysty. TarMÝ áskerı kafedrasynyń oqý toptarynyń atynan 12 komanda, Taraz-ınnovaııalyq gýmanıtarlyq ýnıversıtetiniń atynan 1 komanda jáne №5513, №28903 áskerı bóilmsheniń komandalarynyń kýrsanttary synǵa tústi.

Jıyndy ýnıversıtet rektory Mahmetǵalı Sarybekov ashty. Ýnıversıtet basshysy qatardaǵy jaýyngerlerdi resmı mereklerimen quttyqtap, Jastar jyly aıasynda uıymdastyrylyp otyrǵan estafetaǵa sáttilik tiledi.

Saıysqa túsýshiler topqa bóilinip, estafetany tartysty bastady. Sarbazdardyń dene daıyndyǵy 8 kezeń boıynsha synaldy. Aldymen, jaýyngerler Kalashnıkov avtomatyn belgilengen ýaqyt ishinde shashyp qaıta jınaý sheberligi boıynsha synǵa tústi. Bul synaqty ońaı eńsergen sarbazdarǵa gazǵa qarsy tumyldyryqpen 100 metr qashyqtyqqa júgirý kezeńinde de shapshańdyq tanytýǵa týra keldi. Odan soń, jalpy áskerı qorǵanys keshenin kıip, qaıtadan 100 metrge júgirý de sarbazdarǵa qıyndyq týdyra qoımady. Tórtinshi kezeńde sarbazdardyń granatamen nysany dáldeý sheberligi synaldy. Granata laqtyrý synaǵynan keıin estafetany alǵan jaýyngerler jaraly qarýlasyn 100 metr jerge kóterip aparyp, 12 ret kermege tartylý, 10 ret 24 keli kir tasyn kóterý boıynsha kúsh synasty. Odan ary 400 metr qashyqtyqty baǵyndyrdy. Estafeta jolyndaǵy túrli qıyn tapsyrmalardy túgeldeı sátti oryndap shyqqan komanda músheleri estafeta bastalǵan orynǵa qaıta oraldy. Barlyq kezeńderde shapshańdyq tanytqan komandalar máre syzyǵyna birinen soń biri aǵylyp jatty.

Sondaı-aq, synǵa qyzdarda tústi. Olar AK-74 avtomatyn shashyp, qaıta jınaýdan jarysty. Nátıjesinde ýnıversıtetimizdiń qyzdary úzdik shyqyty.

– Maǵan áskerı ómir, ondaǵa tártip bala kezimnen unaıtyn. Mektep kezende áskerı daıyndyq sabaǵy boldy. Ol kezde asa qatty áskerı ómirdiń qyr syryn uǵa almadym. Al, qazir ýnıversıtemizdiń áskerı kafedrasynda ekinshi jyl oqyp jatyrmyn. Óz armanyma qol jetkizdim. Naǵyz qaınaǵan áskerı ómirdiń ortasynda júrmin. Avtomatty ońaı shashyp, tez jınaı alamyn. Sonyń nátıjesinde búgin úzdik tanylyp otyrmyn. Jylsaıyn ótetin estafeta ary qaraıda jalǵasyn taba bersin,–dedi estafetaǵa qatysýshy Dıana Meıramova.

Estafeta oıyndarynyń sheshýshi kezeńinde qatysýshylar 1 km qashyqtyqqa júgirdi. Oıyn sońynda jaýyngerler arasynda arqan tartys, qol kúres, 24 keli salmaqtaǵy kir tasyn kóterý boıynsha jarystar uıymdastyryldy.

Nátıjesinde ýnıversıtetimizdiń №13 toby qarsylastaryn basa ozyp shyǵyp, I orynǵa ıe boldy. II oryndy TIGÝ-diń stýdentteri alsa, III oryn taǵy da №15 TarMý-dyń komandasy jeńip aldy.

 

Jeńimpazdardy áskerı kafedra bastyǵy Saǵat Muqushev marapattap, dárejeli dıplomdarmen birge merekelik tort tartý etti. Sonymen birge, estafeta oıyndary barysynda ótkizilgen sporttyq saıystarda top jarǵan jekelegen qatysýshylarǵa da dıplomdar men aqshalaı syılyq tabys etildi.

 

WhatsApp Image 2019-05-08 at 09.52.19   WhatsApp Image 2019-05-08 at 09.52.21   WhatsApp Image 2019-05-08 at 09.52.22

WhatsApp Image 2019-05-08 at 09.52.23 (1)   WhatsApp Image 2019-05-08 at 09.52.23   WhatsApp Image 2019-05-08 at 09.52.26 (1)

WhatsApp Image 2019-05-08 at 09.52.26   WhatsApp Image 2019-05-08 at 09.52.27   WhatsApp Image 2019-05-08 at 09.52.28 (1)

WhatsApp Image 2019-05-08 at 09.52.28   WhatsApp Image 2019-05-08 at 09.52.29   WhatsApp Image 2019-05-08 at 09.52.30

WhatsApp Image 2019-05-08 at 09.52.32

Pikirler