اسكەري ەستافەتا ءوتتى

ەستافەتاعا بارلىعى 15 كوماندا قاتىستى. تارمۋ اسكەري كافەدراسىنىڭ وقۋ توپتارىنىڭ اتىنان 12 كوماندا، تاراز-يننوۆاتسيالىق گۋمانيتارلىق ۋنيۆەرسيتەتىنىڭ اتىنان 1 كوماندا جانە №5513, №28903 اسكەري بوىلمشەنىڭ كوماندالارىنىڭ كۋرسانتتارى سىنعا ءتۇستى.

جيىندى ۋنيۆەرسيتەت رەكتورى ماحمەتعالي سارىبەكوۆ اشتى. ۋنيۆەرسيتەت باسشىسى قاتارداعى جاۋىنگەرلەردى رەسمي مەرەكلەرىمەن قۇتتىقتاپ، جاستار جىلى اياسىندا ۇيىمداستىرىلىپ وتىرعان ەستافەتاعا ساتتىلىك تىلەدى.

سايىسقا تۇسۋشىلەر توپقا ءبوىلىنىپ، ەستافەتانى تارتىستى باستادى. ساربازداردىڭ دەنە دايىندىعى 8 كەزەڭ بويىنشا سىنالدى. الدىمەن، جاۋىنگەرلەر كالاشنيكوۆ اۆتوماتىن بەلگىلەنگەن ۋاقىت ىشىندە شاشىپ قايتا جيناۋ شەبەرلىگى بويىنشا سىنعا ءتۇستى. بۇل سىناقتى وڭاي ەڭسەرگەن ساربازدارعا گازعا قارسى تۇمىلدىرىقپەن 100 مەتر قاشىقتىققا جۇگىرۋ كەزەڭىندە دە شاپشاڭدىق تانىتۋعا تۋرا كەلدى. ودان سوڭ، جالپى اسكەري قورعانىس كەشەنىن كيىپ، قايتادان 100 مەترگە جۇگىرۋ دە ساربازدارعا قيىندىق تۋدىرا قويمادى. ءتورتىنشى كەزەڭدە ساربازداردىڭ گراناتامەن نىسانى دالدەۋ شەبەرلىگى سىنالدى. گراناتا لاقتىرۋ سىناعىنان كەيىن ەستافەتانى العان جاۋىنگەرلەر جارالى قارۋلاسىن 100 مەتر جەرگە كوتەرىپ اپارىپ، 12 رەت كەرمەگە تارتىلۋ، 10 رەت 24 كەلى كىر تاسىن كوتەرۋ بويىنشا كۇش سىناستى. ودان ارى 400 مەتر قاشىقتىقتى باعىندىردى. ەستافەتا جولىنداعى ءتۇرلى قيىن تاپسىرمالاردى تۇگەلدەي ءساتتى ورىنداپ شىققان كوماندا مۇشەلەرى ەستافەتا باستالعان ورىنعا قايتا ورالدى. بارلىق كەزەڭدەردە شاپشاڭدىق تانىتقان كوماندالار مارە سىزىعىنا بىرىنەن سوڭ ءبىرى اعىلىپ جاتتى.

سونداي-اق، سىنعا قىزداردا ءتۇستى. ولار اك-74 اۆتوماتىن شاشىپ، قايتا جيناۋدان جارىستى. ناتيجەسىندە ۋنيۆەرسيتەتىمىزدىڭ قىزدارى ۇزدىك شىقىتى.

– ماعان اسكەري ءومىر، ونداعا ءتارتىپ بالا كەزىمنەن ۇنايتىن. مەكتەپ كەزەندە اسكەري دايىندىق ساباعى بولدى. ول كەزدە اسا قاتتى اسكەري ءومىردىڭ قىر سىرىن ۇعا المادىم. ال، قازىر ۋنيۆەرسيتەمىزدىڭ اسكەري كافەدراسىندا ەكىنشى جىل وقىپ جاتىرمىن. ءوز ارمانىما قول جەتكىزدىم. ناعىز قايناعان اسكەري ءومىردىڭ ورتاسىندا ءجۇرمىن. اۆتوماتتى وڭاي شاشىپ، تەز جيناي الامىن. سونىڭ ناتيجەسىندە بۇگىن ۇزدىك تانىلىپ وتىرمىن. جىلسايىن وتەتىن ەستافەتا ارى قارايدا جالعاسىن تابا بەرسىن،–دەدى ەستافەتاعا قاتىسۋشى ديانا مەيراموۆا.

ەستافەتا ويىندارىنىڭ شەشۋشى كەزەڭىندە قاتىسۋشىلار 1 كم قاشىقتىققا جۇگىردى. ويىن سوڭىندا جاۋىنگەرلەر اراسىندا ارقان تارتىس، قول كۇرەس، 24 كەلى سالماقتاعى كىر تاسىن كوتەرۋ بويىنشا جارىستار ۇيىمداستىرىلدى.

ناتيجەسىندە ۋنيۆەرسيتەتىمىزدىڭ №13 توبى قارسىلاستارىن باسا وزىپ شىعىپ، ءى ورىنعا يە بولدى. ءىى ورىندى تيگۋ-ءدىڭ ستۋدەنتتەرى السا، ءىىى ورىن تاعى دا №15 تارمۋ-دىڭ كومانداسى جەڭىپ الدى.

جەڭىمپازداردى اسكەري كافەدرا باستىعى ساعات مۇقۇشەۆ ماراپاتتاپ، دارەجەلى ديپلومدارمەن بىرگە مەرەكەلىك تورت تارتۋ ەتتى. سونىمەن بىرگە، ەستافەتا ويىندارى بارىسىندا وتكىزىلگەن سپورتتىق سايىستاردا توپ جارعان جەكەلەگەن قاتىسۋشىلارعا دا ديپلومدار مەن اقشالاي سىيلىق تابىس ەتىلدى.