Mädeniet jäne aqparat ministrı Aida Balaeva elımızde şyǧarmaşylyq subektılerdıŋ bırqatar salyq töleuden bosatylatynyn mälımdedı, dep habarlaidy “Adyrna” ūlttyq portaly.
Onyŋ aituynşa, şyǧarmaşylyq subektılerıne salyqty jeŋıldetu maqsatynda Ükımet qauly qabyldaǧan.
«Memleket basşysynyŋ şyǧarmaşylyq industriiany damytu jönındegı tapsyrmasyn oryndau üşın Ūlyttyq ekonomika jäne Qarjy ministrlıkterımen bırge keşendı jūmys jürgızdık.
Mūndaǧy maqsatymyz şyǧarmaşylyq subektılerıne salyqty jeŋıldetu boldy. Osy keşendı jūmystyŋ nätijesınde Ükımet qauly qabyldady. Qaulyǧa säikes, 40 qyzmet türı arnaiy bölşek salyq rejimıne öttı. Būl degenımız – biznestıŋ KTS, jeke tabys salyǧy, QQS töleuden bosatylǧanyn bıldıredı. Atalǧan qyzmet türlerımen ainalysatyn subektıler endı bıryŋǧai salyqty ǧana töleidı. Būl jeke käsıpkerler üşın 2%-dan 4%-ǧa deiın, JŞS üşın 8%-ǧa deiın bolady. Tek kompaniianyŋ jyldyq ainalymy 2,2 milliard teŋgeden aspauǧa, al ştatta 200 adamnan köp bolmauǧa tiıs, - dep jazdy ministr Facebook-tegı paraqşasynda.
Sondai-aq, ol salyqty jeŋıldetu kino, beinekontent pen telebaǧdarlamalardy öndıruge jäne keiıngı öndırıske, muzykalyq şyǧarmalarǧa dybys jazu men basyp şyǧaruǧa, teatr jäne muzei önerıne, säulet jäne dizainǧa, qolöner būiymdaryna, halyq şyǧarmaşylyǧyna jäne kädesyilar öndırısıne äser etetının de aitty.
«Osy qoldau şarasyn äzırleu barysynda halyqaralyq täjıribenı mūqiiat taldadyq. Eŋ ozyq elderdıŋ (Ūlybritaniia, Germaniia, Oŋtüstık Koreia) täjıribesı şyǧarmaşylyq industriiany damytu üşın salyqty jeŋıldetuge erekşe män beru kerektıgın körsetedı. Atalǧan jūmys – salany auqymdy damytuǧa baǧyttalǧan alǧaşqy qadamdardyŋ bırı. Būl – ūzaq joldyŋ basy ǧana», - dedı Aida Balaeva.
Ūqsas jaŋalyqtar
Salyqtyŋ sūrauyn, talabyn bılmeitınımız, salyq maŋyzyn tüsınbeitınımızdıŋ sebebın nede dep oilaisyz?
