Qazaqtyŋ sportty serık etken qos aruy jeŋıs tūǧyrynan qatar körındı. Portugaliiada ötken Gran-Pri turnirnda Abiba Abujaqynova altyn alyp, kümıs jüldenı Ǧaliia Tynbaeva qanjyǧalady, dep süiınşıleidı "Adyrna" ūlttyq portaly.
Portugaliianyŋ Almada qalasynda bastalǧan "judodan" älemdık Grand Pri jarysynda 48 kilogramm salmaq ölşemınde Qazaq elınıŋ qos aruy finalǧa şyǧyp, Äbiba Abujaqynova altyn, Ǧaliia Tynybaeva kümıs medal enşıledı.
İsı qazaq üşın quanyşty kün, jūldyzdy saǧat jaily sport jurnalisı Äigerım Toqsanbek jazdy.
- Jürekter! Quan, Qazaq! Qos qyzyŋ älemdık Gran-pri jarysynyŋ finalynda beldestı. Altyn da, kümıs te Qazaqstan qorjynyna tüstı. Būl tarihi jeŋıs! Tarihi final! Būǧan deiın älı eşkım Qazaqstan qyzdar qūramasynan būlai finalda beldesken joq. Portugaliia Gran-priındegı “qazaq finalynda” Abiba Abujaqynova altyn alsa, Ǧaliia Tynbaeva kümıs aldy. #KazJudoTeam mausymdy sättı bastady!.. 48 kg salmaǧynda Moŋǧoliia, Koreia, İtaliia, Fransiia, Japoniianyŋ qyzdary qos-qostan oiqastaityn. Endı mıne Qazaq qyzdary şyǧyp jatyr. Ǧaliia men Äbibanyŋ jeŋısı būnymen toqtap qalmaidy. Älı talai belestı eŋseredı! Biyl bızdıŋ jyl bolmaq! -dedı jurnalist.Būrymdylardyŋ biıkterdı baǧyndyrǧanyna quanǧan oqyrmandar:
"Qazaq halqynyŋ qos qarlyǧaşy. Jeŋısterıŋ qūtty bolsyn"; "Ekeuı de jürektegı tuymyzǧa bırdei qūrmet körsetıp, qazaqtyŋ qyzdary ekenın däleldedı"; "Ekı bırdei qazaqtyŋ kezdeskenı dūrys emes qoi. Mende osyndai mümkındık bolsa, jeŋıstı qarsylasyma bere salar edım" dep jazdy oqyrmandar.Aqpar jazu barysynda Ūlttyq arna beinederekterı paidalanyldy.
"Adyrna" ūlttyq portaly
Ūqsas jaŋalyqtar
