Qazaqstanda «Respublica» partııasy resmı túrde tirkeldi. Bul týraly jańa saıası uıymnyń tóraǵasy Aıdarbek Qojanazarov málimdedi, dep habarlaıdy “Adyrna” ulttyq portaly.
“Dostar, súıinshi! Bizdiń resmı ókilimiz Astana qalasynyń HQKO -ń birinde Respublica partııasynyń tirkeý qujattaryn qolyna aldy.
Endi biz - elimizdiń jańa, resmı tirkelgen saıası kúshimiz! Bul uzaq aptalar men aılap kútken jáne birneshe ret tirkeýge jiberilmegen sátsizdikterden keıingi - ortaq ortaq jeńisimiz! Alaıda, bul synaqtar bizdi tek ǵana kúsheıtti”, - dep jazdy Aıbarbek Qojanazarov.
Sondaı-aq, ol partııanyń teń tóraǵalary - Syrymbek Taý, Rýslan Berdenov, Maksım Baryshev, Dınara Shýkıjanova, Qýanysh Shonbaı, Beıbit Álibekov jáne Nurlan Qoıanbaevty jeńispen shyn nıetpen quttyqtady.
“Partııanyń barlyq múshelerin, osy ýaqyttan beri bizge senim artyp, zor qoldaý bildirgen barlyq adamdardy osy mańyzdy bastamamen quttyqtaımyn jáne senimderińiz ben úkilegen úmitterińizdi aqtaýǵa jumyla kirisemiz degim keledi. Búginnen bastap biz partııanyń qyzmetin elimizdiń árbir óńirinde tolyq kólemde resmı túrde júrgizýge quqylymyz. Bolashaq bizdiń qolymyzda, aǵaıyn!
Alǵa, Otandastarym! Alǵa, Respublica!”, - dedi ol.
