Memleket basşysy Reseidıŋ Qazaqstandaǧy elşısı Aleksei Borodavkindı qabyldady, dep habarlaidy «Adyrna» ūlttyq portaly.
Kezdesu barysynda Qazaqstan Prezidentı memleketaralyq bailanystardyŋ barlyq baǧyty boiynşa ekı el arasynda tūraqty dialog qalyptasqanyn atap öttı. Qasym-Jomart Toqaevtyŋ aituynşa, Resei Prezidentı Vladimir Putinnıŋ juyrda Astanaǧa jasaǧan resmi sapary kezınde qol jetkızılgen uaǧdalastyqtar tatu körşılık qatynastardy jan-jaqty nyǧaituǧa baǧyttalǧan özara ūmtylysty taǧy da rastady. Sonymen qatar kezdesude Qazaqstan men Resei arasyndaǧy strategiialyq serıktestıktıŋ özektı mäselelerı jäne damu perspektivalary qarastyryldy.Esterıŋızge sala keteiık, ötken jyly jeltoqsan aiynda Reseidıŋ Qazaqstandaǧy elşısı Aleksei Borodavkin reseilık basylymdardyŋ bırıne bergen sūhbatynda Qazaqstandaǧy radikaldy ūltşyldar men rusofobiia turaly aityp, Reseidıŋ olarmen küreske «kömek beruge daiyn» ekenın mälımdegen bolatyn. Artynşa Mäjılıs töraǧasy Erlan Qoşanov jurnalisterge Borodavkinnıŋ bergen sūhbatyna qatysty pıkırın bıldırgen bolatyn.
«Elşınıŋ sūhbatynyŋ kei tūstary onyŋ märtebesıne sai kelmeidı ärı paida äkelmeidı dep oilaimyn. Borodavkin myrza öte täjıribelı diplomat, ol ügıt-nasihatşylar men saiasattanuşylardyŋ jetegınde ketpeuı kerek», - degen edı Erlan Qoşanov.
Osy oqiǧaǧa bailanysty Qazaqstan Syrtqy ıster ministrlıgınıŋ resmi ökılı Aibek Smadiiarov ta tüsınıkteme berıp, Resei elşısınıŋ ministrlıkkt şaqyrtylyp, äŋgıme ötkızılgenın jäne onyŋ "keşırımı qabyldanǧanyn" aitqan. Aleksei Borodavkin 2018 jyly Reseidıŋ Qazaqstandaǧy elşısı qyzmetıne taǧaiyndalǧan edı. Ol Qazaqstanda ūzaq ıssaparda bolǧan diplomattyŋ bırı. Qazaqstanǧa kelgenge deiın ol mynandai qyzmetter atqarǧan. 1999 jyldan 2002 jylǧa deiın – TMD Törtınşı departamentınıŋ direktory; 2002-2004 jyldary – Reseidıŋ Slovakiiadaǧy Elşısı; 2008 jyldan 2011 jylǧa deiın – Resei Syrtqy ıster ministrınıŋ orynbasary; 2011-2018 jyldary - Jenevadaǧy, Şveisariiadaǧy BŪŪ keŋsesı jäne basqa da halyqaralyq ūiymdar janyndaǧy Reseidıŋ tūraqty ökılı, sondai-aq BŪŪ-nyŋ qarusyzdanu jönındegı konferensiiasyndaǧy Reseidıŋ tūraqty ökılı jäne BŪŪ Adam qūqyqtary jönındegı keŋesındegı Resei delegasiiasynyŋ basşysy.«Adyrna» ūlttyq portaly
Ūqsas jaŋalyqtar
