Fransiia Qazaqstanda AES qūrylysyn jürgızuge kömektesuge daiyn. Būl turaly Energetika ministrlıgınıŋ baspasöz qyzmetı mälımdedı, dep habarlaidy “Adyrna” ūlttyq portaly.
Ministrlıktıŋ habarlauynşa, Energetika ministrı Almasadam Sätqaliev bastaǧan delegasiia Fransiiaǧa jūmys saparymen barǧan. Qazaqstan tarapy būl eldıŋ iadrolyq saladaǧy jetekşı kompaniialarynyŋ basşylarymen kezdesıp, kelıssözder jürgızgen.
Almasadam Sätqaliev jūmys sapary barysynda Fransiianyŋ atom salasyndaǧy jetekşı ūiymdarymen, sonymen bırge ırı energiia öndıruşı kompaniialarymen, EDF atom elektr stansiialarynyŋ operatorymen, Framatome atom elektr stansiialaryna arnalǧan jabdyqtardy äzırleuşı jäne öndıruşısımen, Arabelle Solutions atom elektr stansiialaryna arnalǧan turbinalyq jabdyqtar jetkızuşısımen kelıssözder jürgızgen.
Būdan bölek atom elektr stansiialary üşın injiniringtık qyzmetter, jobalardy basqaru jäne sifrlyq şeşımderge mamandanǧan Assystem halyqaralyq konsaltingtık kompaniiasynyŋ basşylarymen kezdesken.
«Fransuz tarapy Qazaqstanǧa atom elektr stansiiasyn salu jobasyn jüzege asyruda qoldau körsetuge daiyn ekenın bıldırdı. Öndırıletın elektr energiiasynyŋ şamamen 70%-yn atom energiiasynan alatyn Fransiia būl salada älemdık köşbasşy elder qatatrynda»,- dep habarlaidy baspasöz qyzmetı.
Ministrlık mälımetınşe, EDF atom elektr stansiialarynyŋ operatory Qazaqstan üşın iadrolyq tehnologiialardyŋ äleuettı jetkızuşılerınıŋ qysqaşa tızımıne engızılgen.
Būdan bölek Fransiia AES salynatyn Balqaş basseinıne zertteu jürgızedı. Fransiianyŋ damu agenttıgı (AFD) jäne Fransiianyŋ geologiialyq jäne tau-ken zertteuler biurosy (BRGM) Su resurstary jäne irrigasiia ministrlıgımen bırlesıp, Ile-Balqaş basseinıne keşendı zertteu jürgızbekşı. Şeteldık ūiymdar jerasty sularyn zertteuge kömektesıp, jer asty su resurstaryna monitoring jürgızu, barlau jäne igeru mäselelerın de zerttemek.
Qazaqstanda biyl 6 qazanda «Sız Qazaqstanda atom elektr stansiiasyn saluǧa kelısesız be?» degen saualmen referendum ötkızılgen. Resmi mälımet boiynşa dauys bergen sailauşylardyŋ 71 paiyzdan astamy AES qūrylysymen kelısetının bıldırgen. Onyŋ qūrylysyn halyqaralyq konsorsium jürgızuı mümkın ekenı aitylady. Bıraq Reseidıŋ "Rosatom" kompaniiasynyŋ Qazaqstanda AES saluǧa müddellılık bıldırgenın qoǧam synaǧan.
Ūqsas jaŋalyqtar
