Gúlmıra Satybaldy adam urlaýmen aınalysty dep aıyptaldy. Bul týraly Sybaılas jemqorlyqqa qarsy qyzmeti málimdedi, dep habarlaıdy “Adyrna” ulttyq portaly.
Sybaılas jemqorlyqqa qarsy qyzmet Gúlmıra Satybaldyǵa, onyń baqylaýyndaǵy «Arııa-Jańa Astana» JShS kompanııasynyń basshylyǵyna jáne memlekettik organdardyń laýazymdy tulǵalaryna qatysty obektilerdi salýǵa bólingen bıýdjet qarajatyn jymqyrý faktileri boıynsha tergeýdi jalǵastyrýda.
Birneshe obektiler boıynsha is júzinde oryndalmaǵan qurylys-montajdaý jumystaryna aqy tóleý nátıjesinde memleketke jalpy somasy 3,9 mılıard teńgege asa iri mólsherde zalal keltirildi.
Tergeý satysynda qabyldanǵan sharalarmen memleketke keltirilgen zalal tolyq óteldi.
Sondaı-aq, oǵan jáne onyń senimdi tulǵalaryna qatysty birqatar kásiporyndardyń qatysý úlesteri men aktıvterin zańsyz ıelený, adamdy urlaý jáne bas bostandyǵynan zańsyz aıyrý faktileri boıynsha tergeý júrgizilýde. Jábirlenýshilerge keltirilgen zalaldyń aldyn ala somasy 6,6 mılıard teńgeden asady.
Aıta keteıik, Gúlmıra Satybaldy - Qazaqstan eks-prezıdenti Nursultan Nazarbaevtyń nemere inisi Qaırat Satybaldynyń burynǵy áıeli.
”Adyrna” ulttyq portaly
