Qazaqstannyŋ būrynǧy basşysy Nūrsūltan Nazarbaev Mäskeuge ūşyp baryp, Kreml maŋynda AQŞ-tyŋ būrynǧy prezidentı Donald Tramp toqtaǧan Ritz-Carlton qonaqüiındegı däl sol päterlerge ornalasqan, dep habarlaidy « Adyrna ūlttyq portaly «Vzgliad na Vostok» telegram saityna sılteme jasap.
«Budanbai – Qazaqstan jäne Ortalyq Aziia» telegram-arnasynyŋ avtory Anton Budarovtyŋ aituynşa, Nazarbaev Resei basşysy Vladimir Putinmen kezdesu josparlaǧan: «Respublikadaǧy būrynǧy yqpalynan aiyrylǧan Nazarbaev būrynǧy oryndaryna qaita oralu üşın Mäskeudıŋ qoldauyna ie bolǧysy keledı. Nūrsūltan Nazarbaev ony Kremlde, eŋ bolmaǧanda, joǧary lauazymdy basşylar qabyldaitynyna senımdı bolmasa, kelmes edı», - dep jazylǧan jazbada. Nazarbaev soŋǧy uaqytta aitarlyqtai belsendılık tanytty. Aita keterlıgı, «Menıŋ ömırım. Bodandyqtan bostandyqqa» kıtabynda bütın bır taraudy Putinge jäne onyŋ Resei men Qazaqstan arasyndaǧy qarym-qatynastardy damytudaǧy oŋ rölıne arnaǧan. Ūzaq üzılısten keiın ol «Astana Club» pıkırtalas alaŋyn jinap, onda älemdık saiasat turaly köp aitty. Degenmen onyŋ Resei basşysymen kezdesuge mümkındıgı joq ekenın jetkızdı TMD elderı instituty direktorynyŋ orynbasary Vladimir Jarihin: «Nazarbaevtyŋ 2022 jylǧy qaŋtar oqiǧasyndaǧy rölı barǧan saiyn aiqyn bola tüsude. Onyŋ Mäskeuge jeke tūlǧa retınde keluıne eşteŋe kedergı bolmasa da, bolǧan oqiǧadan keiın resmi kezdesulerge senudıŋ qajetı joq. Vladimir Putin endı prezident Qasym-Jomart Toqaevpen söileskendı jön köretın şyǧar» Eske sala keteiık, eks-prezidenttıŋ Täuelsızdık künı Reseide jürgenın habarlaǧan bolatynbyz.«Adyrna» ūlttyq portaly
Ūqsas jaŋalyqtar
