Qazaqstannyŋ Bas prokuraturasy «Epştein faildaryna» bailanysty tekserıs jūmystaryn bastaǧanyn aitty, dep habarlaidy "Adyrna" ūlttyq portaly.
Būl turaly bas prokuror Berık Asylov pıkır bıldırdı.
25 aqpanda Mäjılıs otyrysynda deputat Ashat Rahymjanov Bas prokuror men ŪQK töraǧasynyŋ atyna deputattyq saual joldap, qazaqstandyq joǧary lauazymdy tūlǧalardyŋ amerikalyq qarjyger Djeffri Epşteinmen bailanysy boluy mümkın degen aqparatty tekserudı sūraǧan.
Berık Asylovtyŋ sözınşe, qazır jariialanǧan materialdar jan-jaqty zerdelenıp, tiıstı tekserıs jūmystary bastalyp ketken.
«Būl – maŋyzdy mäsele. Deputattyq saual jaŋa ǧana joldandy, alaida atalǧan taqyryp bükıl älemde qyzu talqylanyp jatyr. Sondyqtan qūqyq qorǧau organdary būl faktılerdıŋ ras-ötırıgın anyqtau boiynşa jūmys jürgızude», – dedı bas prokuror.
Sondai-aq, ol Djeffri Epşteinnıŋ Qazaqstan aumaǧyna kelgen-kelmegenı de tekserılıp jatqanyn atap öttı.
