1977 jyly BUU Bas Assambleıasy 29 qarashany Halyqaralyq Palestına halqymen yntymaqtastyq kúni dep bekitti, dep habarlaıdy "Adyrna" ulttyq portaly.
Budan bólek, 1947 jyly dál osy kúni BUU Bas Assambleıasy "Palestınany bólý týraly rezolıýııa" dep tanymal bolǵan 181 qarar qabyldap, sıonısterge Palestına terrıtorııalaryn basyp alýǵa birinshi ruqsatyn bergen. Palestına qoǵamy men jerin úsh bólikke bólgen qarar Palestına tarıhı qoǵamynyń bir bóligin sıonısterge tapsyrdy.
181 qararǵa sáıkes Palestına eliniń aýmaǵy ekige bólindi jáne Bas Assambleıa onyń bir bóligin evreı memleketin jáne ekinshi bóligin Palestına memleketin qurý úshin qarastyrdy.
Resmı málimetter boıynsha, 6 mıllıonǵa jýyq palestınalyq osy kúnge deıin álemde bosyp júr, júzdegen myń adam májbúrli túrde qonys aýdardy jáne birneshe myń adam bıylǵy Gaza soǵysy kezinde qaza tapty.
Eske sala keteıik, 2003 jyldyń 7 qazanynda Palestına-Izraıl qaqtyǵystarynyń jańa kezeńi bastalyp, nátıjesinde myńdaǵan adam qaza tapqan bolatyn.
Sonymen qatar, 2023 jyly 7 qazanynda tańerteń Gaza sektorynda ornalasqan HAMAS radıkaldy toby Izraılge shabýyl jasady. Izraılge 2,5 myńnan 5 myńǵa deıin zymyran atyldy. HAMAS bólimsheleri shekara tosqaýylyn buzyp ótip, Izraıl aýmaǵyna birneshe jerden kirdi. 1,2 myńnan astam adam HAMAS shabýylynyń qurbany boldy, al 200-den astam adam kepilge alyndy. Buǵan jaýap retinde Izraıl tarapy HAMAS-qa qarsy áskerı operaııa bastady. 8 qazanda el resmı túrde soǵys jaǵdaıyna kóshti. Bul sheshim 1973 jylǵy Iom Kıppýr soǵysynan keıingi 50 jylda alǵash ret qabyldandy.
