Älem Qazaqstannyŋ jahandyq qauıpsızdık pen tūraqtylyqty saqtaudaǧy rölın moiyndady, dep habarlaidy "Adyrna" ūlttyq portaly.
Būl turaly Qazbek Maigeldinov Facebook paraqşasynda jazdy.
Aita keteiık, mūndai ortalyq aşu ideiasy Qazaqstan Prezidentı Qasym-Jomart Toqaev tarapynan būǧan deiın de köterılgen bolatyn. Öitkenı Auǧanstandaǧy tūraqtylyq – tek Ortalyq Aziia elderı üşın ǧana emes, bükıl älem üşın maŋyzdy. Eger öŋırde ahual uşyǧatyn bolsa, bosqyndar tolqyny küşeiıp, būl körşı memleketterge aitarlyqtai salmaq salady.
"Künı keşe BŪŪ Bas Assambleiasynyŋ jiyny ötken edı. Sol basqosuda Qazaqstanda Ortalyq Aziia men Auǧanstan üşın Ornyqty damu maqsattary jönındegı BŪŪ-nyŋ aimaqtyq ortalyǧyn aşu turaly şeşım qabyldandy.
Būl Qazaqstan üşın nenı bıldıredı? Qandai paidasy bar?
Bırınşıden, BŪŪ qūramyndaǧy mekemenıŋ Almatyda aşyluy Qazaqstannyŋ saiasat sahnasyndaǧy rölın, jalpy älemdegı şeşım qabyldauǧa yqpalyn myǧymdai tüsedı. Elımızdıŋ saiasi salmaǧyn arttyryp, saiasi basymdyq beredı.
Ekınşıden, Almaty Jeneva, Niu-Iork, Nairobi, Vena sekıldı BŪŪ-nyŋ negızgı ortalyqtary ornalasqan qalalar qataryna qosylyp otyr. Nätijesınde Almaty – BŪŪ jüiesınde şeşım qabyldanatyn ortalyqtyŋ bırı sanalmaq. Būdan bylai Ortalyq Aziia, Auǧanstanǧa qatysty josparlar, şeşımder tıkelei Almaty arqyly qabyldanady desek qatelespeimız.
Üşınşıden, öŋırde BŪŪ-nyŋ keŋsesın aşuǧa laiyq basqa ümıtker memleket joq. Ädette, ondaǧy resmi tūlǧalar ortalyq aşar kezde memlekettıŋ tūraqtylyǧy men qauıpsızdıgıne erekşe män beredı. Būl tūrǧydan alyp qaraǧanda, Qazaqstannan basqa eldı tappaisyz. Esterıŋızde bolsa, Auǧanstan bilıgın Taliban basyp alǧan kezde BŪŪ sondaǧy üilestıru ortalyǧyn jedel türde Almatyǧa äkelgen edı", - dep jazdy ol.
Ūqsas jaŋalyqtar
