Jūma künı BŪŪ Bas assambleiasy Palestina mäselesın beibıt jolmen şeşu jäne ekı memleket — İzrail men Palestina qūru turaly şeşımdı jüzege asyrudy qoldaityn deklarasiiany basym dauyspen maqūldady, dep habarlaidy "Adyrna" ūlttyq portaly.
Dauys beru barysynda 142 memleket «qoldap» dauys berdı. Olardyŋ qatarynda Qazaqstan da bar. Al 10 memleket, sonyŋ ışınde İzrail men AQŞ «qarsy» şyqty. 12 memleket qalys qaldy.
«Niu-Iork deklarasiiasy» Fransiia men Saud Arabiiasynyŋ bastamasymen jaz aiynda BŪŪ ştab-päterınde ötken halyqaralyq konferensiianyŋ qorytyndysy boldy. Qūjat Gazadaǧy qaqtyǧys pen ekı memlekettı şeşımnıŋ älsıreuıne bailanysty qabyldanǧan.
Deklarasiiada Gazada atysty dereu toqtatu, kepılge alynǧandardy bosatu, egemendı Palestina memleketın qūru, HAMAS-ty qarusyzdandyru jäne Gazany basqarudan şettetu, İzrailmen qarym-qatynasty qalypqa keltıru siiaqty bırqatar talaptar bar.
BŪŪ Bas hatşysy Antoniu Guterriş būl qūjattyŋ basty mänı ekı täuelsız, egemen, demokratiialyq memlekettıŋ beibıtşılık pen qauıpsızdıkte qatar ömır süruınde ekenın atap öttı.
Alaida İzraildıŋ BŪŪ-daǧy elşısı Denni Danon deklarasiiany synǧa alyp, ony «bırjaqty» jäne «Assambleia bedelıne nūqsan keltıretın bos qimyl» dep baǧalady. Onyŋ aituynşa, mūndai şeşımnen HAMAS köbırek paida körıp otyr.
