Belgılı aitysker aqyn, QR Mäjılısınıŋ deputaty Amanjol Ältaev juyrda Qyrǧyzstan prezidentı at mıngızgen qazaq aqyny Bırjan Qaldybaevqa şüilıktı. Ol Qyrǧyz prezidentınen syilyq alǧan qazaq aqynynan barşa aitys aqyndarynan keşırım sūraudy talap ettı, dep habarlaidy "Adyrna" ūlttyq portaly.
- Mynau Bırjan degen ūiaty joq, betı qalyŋ jıgıt eken. Onyŋ mūqym qazaq elınıŋ atynan dombyra ūstap söileitındei jönı joq edı. Sebebı qazaq aitys önerınde mūndai aqyn joq, - dep jazdy Amanjol Ältaev.Conymen qatar, Amanjol Ältaev qyrǧyz tarapyn da tüirep öttı. Aiyr qalpaqty aǧaiyndy ekı eldıŋ aitys aqyndary odaǧynyŋ arasyndaǧy qol qoiylǧan memorandum erejesın saqtauǧa şaqyrdy.
«Qyrǧyz bauyrlardyŋ ystyq peiılıne raqmet! Bıraq, kım körıngendı köşeden tauyp alyp, qazaq elınıŋ aqyny dep el aldyna şyǧarmauyn sūraimyz. Qazaq elınıŋ aitys aqyndary men jyrşy - termeşıler odaǧynyŋ töraǧasynyŋ bırınşı orynbasary retınde mälımdeimın. Qazaq halqynyŋ bekzat önerınıŋ qūnyn olai tüsırmeulerın talap etemın. Aqyndyq talanty joq mūndai pysyqailar eşkımge de opa äpermeidı. Endıgı jerde QYRǦYZ BAUYRLAR ekı eldıŋ aitys aqyndary odaǧynyŋ arasyndaǧy qol qoiylǧan memorandumdaǧy erejenı saqtaudy, bızder ūsynǧan aqyndy ǧana halyq aldyna şyǧarularyn sūraimyz. Qūstyŋ qos qanatyndai bauyrlas edıŋ dostyǧyn jalǧan öleŋşıler emes, naǧyz qūrmetke laiyq daryndy aqyndar jyrlasyn. Bırjan bauyrymyz elge jetkensın halyqtan, barşa aitys aqyndarynan keşırım sūraudy ūmytpasyn», - dep jazdy ol.Keiınnen özınıŋ ne sebeptı aityskerdı synǧa alǧanyn "Halyq ünı" portalyna aityp, köpşılık aldynda aşyq közqarasyn tanytty.
- Post jazuyma sebep bolǧan närse, men Aitys aqyndary men jyrşy-termeşılerdıŋ halyqaralyq odaǧy basqarma töraǧasynyŋ bırınşı orynbasarymyn. Aitys önerınıŋ baǧyt-baǧdarynyŋ dūrys jüruıne sol basqarmanyŋ basşylarynyŋ bırı retınde jauaptymyn dep oilaimyn. Sondyqtan qandai da bır tüsınıspestık tumauy kerek. Bırjan degen jas jıgıttıŋ önerıne, aldyna kese köldeneŋ tūrǧym kelıp tūrǧan joq. Mäsele, jer betındegı halyqtardyŋ ışınde qazaq degen ūltty daralaityn, bızdıŋ saf önerımız, bekzat önerımız, atamūra önerımız – aitys. Sondyqtan aitystyŋ bekzat bolmysyna qylau tüsırmeuge bükıl aqyndar jauapty dep oilaimyn. Aşyp aituymyz kerek, Bırjan degen balanyŋ qyrǧyz halqynyŋ aldynda, prezidentınıŋ aldynda arnau aitqanyna qarsy emespın. Onyŋ sol arnaudy qalai aitqanynda. Bırınşıden, men ol balanyŋ boiynan eşqandai aqyndyq önerdı baiqap tūrǧan joqpyn. Şatpaq öleŋ, ne ūiqasynda, ne oiynda jüie joq. Arnaudyŋ negızgı maqsaty – qyrǧyzdyŋ prezidentınen at sūrau üşın barǧan sekıldı körındı. Sondyqtan ol jıgıt arqyly qazaq aitysy turaly bauyrlas qyrǧyz halqynyŋ pıkırı qalyptasady. Osy jaǧyn oilau kerek edı, ärine, öleŋı kelıstı bolsa, ekı eldıŋ dostyǧyn tamyljytyp tūryp, qazaqtyŋ ata dästürımen jyrlap jatsa, oǧan bärımız quanatyn edık. Talantsyz adamnyŋ qolyna dombyra alyp, kelelı jiyndarda söileuı dūrys emes dep esepteimın. Aitystyŋ abyroiyn qorǧau üşın aitys aqyndary atynan pıkırımdı bıldırudı jön dep taptym, - dep tüsındırdı Amanjol Ältaev.Oraiy kelgende aita keteiık, 13 tamyzda qazaq aqyny Bırjan Qaldybaev Cholpon-Atada ötken kökpardan älem chempionatynyŋ aşylu saltanatynda öner körsetıp, Sadyr Japarovqa arnap söz söilep, ekı halyqtyŋ dostyǧyn jyrlaǧan bolatyn. Qyrǧyz prezidentı Sadyr Japarov sol jiynda qazaq aqynyna qūrmetı retınde syilyq tabystaitynyn aityp, 20 tamyzda Qyrǧyzstan prezidentınıŋ kömekşısı Qanybek Tümonbaev Sadyr Japarovtyŋ syilaǧan cäigülıgın Bırjan Qaldybaevqa tartu ettı.
''Adyrna" ūlttyq portaly
Ūqsas jaŋalyqtar
