Almaty oblysyndaǵy 250 balaǵa arnalǵan memlekettik mektep jeke-menshikke 15 mıllıon teńgege satylyp ketken, dep jazady "Adyrna". Bul týraly depýtat Maqsat Tolyqbaı májilis otyrysynda málimdedi.
Almaty oblysy, Qarasaı aýdanyna qarasty Shalqar aýylynda Lomonosov atyndaǵy orta mektep 250 balaǵa arnalyp salynǵan bolatyn. Sońǵy jyldary kapıtaldy jóndeý jumystary jasalynyp, qajetti zattarymen qamtamasyz etilgen. Depýtattyń aıtýynsha, aýyldyq mektep qazir jeke qolǵa satylyp ketken.
"Bar mekteptiń ózin satyp jatyrmyz. Bireýden 15 mıllıonǵa satyp alyp, ony artynan 80 mıllıonǵa satqan. Sol aýyldaǵy qulaıyn dep turǵan úıdiń ózi 17 mıllıon teńge turady. Bútin bir mekteptiń 15 mıllıonǵa satylýy degen sumdyq nárse" dedi Maqsat Tolyqbaı.
Posmotret etý pýblıkaııý v Instagram
"Adyrna" ulttyq portaly
