Joǧarǧy sot Quandyq Bişımbaev pen Baqytjan Baijanov ısı boiynşa apelliasiialyq sotynyŋ bırınşı otyrysyn ötkızdı. Sotta bırınşı bolyp Q.Bişımbaevtyŋ advokaty Erlan Ǧazymjanov söz söiledı, dep habarlaidy “Adyrna” ūlttyq portaly.
Qorǧauşy Bişımbaevqa şyǧarylǧan ükımmen kelıspeitının mälımdedı.
«Men ükımdı zaŋsyz dep sanaimyn jäne Qylmystyq kodekstıŋ «Abaisyzda ölımge äkep soqtyrǧan densaulyqqa auyr ziian keltıru» boiynşa 106-babyna auystyrylyp, jaza azaityluy qajet. Al «Azaptau» baby boiynşa ükımnıŋ küşı joiylyp, ıs qaita qarauǧa jıberıluı kerek», - dedı E.Ǧazymjanov.
Onyŋ aituynşa, ükımdı özgertuge jäne joiuǧa bolady. Öitkenı qorǧauşy bırınşı satydaǧy sot jasaǧan 20 būzuşylyqty anyqtap, apelliasiiada körsetken. Advokat alqabiler alqasyn qūru kezınde sottyŋ keibır kandidattarǧa qarsylyq bıldıruın bırınşı auyr qūqyqbūzuşylyq dep atady.
«Sudia öz erkımen şeşım qabyldap, qaisysynyŋ sottaluşymen jasty balalary bar ekenın anyqtai bastady jäne 20 ümıtkerdıŋ ışınen törteuın şyǧaryp tastady. Şyǧarylǧan üş ümıtkerdıŋ ūldary bar edı. Osylaişa, sudia alqabiler alqasyn qūru tärtıbın būzbaǧanda jäne zaŋ boiynşa äreket etkende, osy 4 ümıtkerdıŋ ışınen bıreu negızgı qūramǧa kırıp, dauys berer edı. Ükım basqaşa boluy mümkın edı», - dedı E.Ǧazymjanov.
Eske salsaq, 2023 jyly 9 qaraşada Astanadaǧy «Bau» meiramhanasynda būrynǧy Ūlttyq ekonomika ministrı Quandyq Bişımbaev özınıŋ jūbaiy Saltanat Nükenovany soqqyǧa jyqqan bolatyn. Äiel jedel järdem jetkenşe köz jūmdy.
Quandyq Bişımbaev 24 jylǧa sottaldy.Ūqsas jaŋalyqtar
