Eks-mınıstr Bıshimbaevtyń qolynan mert bolǵan Saltanat Núkenovanyń ar-namysy men qadir-qasıetine nuqsan keltiretin aqparat taratqan jýrnalıst Anton Býdarov sottaldy, dep habarlaıdy “Adyrna” ulttyq portay stan.kz saıtyna siltep.
Anton Býdarov 14 jeltoqsanda óz paraqshasynda Saltanat Núkenovany qaralap, ózin kinálaǵan jazba jazǵan.
"Men Bıshimbaevtyń áıeli Saltanatty jábirlenýshi dep sanamaımyn. Ol naǵyz abıýzer, kúıeýimen ishimdikke salynyp, tóbeles shyǵarǵan. Baryp turǵan alaıaq, astrologııa kýrsyn satqan. Qarapaıym esirtkiqumar otbasy, ol áıel naǵyz ońbaǵan", – dep jazǵan jýrnalıst.
Jýrnalıske qatysty sot úkimi týraly advokat Damır Ishmametov jazdy. Onyń sózinshe, 2024 jyldyń 20 mamyrynda Bostandyq aýdandyq soty Býdarovtyń Saltanat Núkenova týraly jazbasyn jalǵan dep taný jóninde úkim shyǵarǵan.
“Býdarov Anton Iýrevıch kópshiliktiń aldynda úndeý jasaý arqyly ózi taratqan aqparatty joqqa shyǵarýǵa mindetteldi. Sonymen qatar sot shyǵyndaryna jumsalǵan 650 myń teńgeni Amangeldi Aıtbekke óndirýi kerek”, – dep jazdy qorǵaýshy.
