Belgili ánshi Dılnaz Ahmadıeva turmystyq zorlyq-zombylyqtyń qurbany bolǵan Saltanat Núkenovaǵa arnap, án shyǵardy, dep habarlaıdy “Adyrna” ulttyq portaly. Bul týraly ol óziniń Instagram paraqshasynda jazdy.
Án “Kesh” dep atalady. Ol óziniń paraqshasynda Saltanat Núkenovanyń jaǵdaıy ózine qatty áser etkenin, júregin tebirentkenin jazdy:
“Men bul jantúrshigerlik tragedııa týraly búkil elmen, búkil álemmen birge bildim. Birge jyladym, uıyqtamadym, ýaıymdadym, duǵa ettim. Biraq meniń qolymnan kelgeni án jazyp, Saltanatqa arnaý boldy! @aitym (Aıtbek Amangeldi) Barlyǵy úshin kóp rahmet. Men sizdiń otbasyńyz úshin bul jaǵdaıdyń qanshalyqty aýyr ekenin elestete almaımyn. Barshańyzǵa densaýlyq, kúsh-qýat tileımin! Án halyqtyń júregine jetedi dep senemin!” dep jazdy ol.
Al “Kesh” ániniń avtory jas kompozıtor - Arlan Qabıdollaev.
