Polsha azamatshasy Ballı Maje Qazaqstan prezıdenttigine úmitker bolýǵa talpynýda. Bul týraly Ortalyq saılaý komıssııasy málimdedi, dep habarlaıdy “Adyrna” ulttyq portaly.
«Polsha azamatshasy Ballı Maje Qazaqstan Respýblıkasy Prezıdenttigine kandıdat retinde qatysý nıeti týraly ótinishpen Qazaqstan Respýblıkasynyń Ortalyq saılaý komıssııasyna birneshe ret júgingen», - delingen jeksenbi kúni taratqan habarlamada.
Oǵan Respýblıka Konstıtýııasynyń 41-babynyń 2-tarmaǵyna sáıkes qyryq jasqa tolǵan, memlekettik tildi jetik meńgergen, sońǵy on bes jylda Qazaqstanda turatyn, joǵary bilimi bar Respýblıka azamaty Prezıdent bolyp saılana alatyny túsindirildi.
Azamattyń memlekettik qyzmette nemese saılanbaly memlekettik qyzmette keminde bes jyl tájirıbesi bolýy jáne belsendi saılaý quqyǵy bolýy tıis.
Konstıtýııalyq zańda Respýblıka Prezıdenttigine kandıdattarǵa qosymsha talaptar belgilenýi múmkin.
Azattyq radıosynyń habarlaýynsha, 2017 jyly belsendi Qazaqstan bıliginen elde qalýyna ruqsat berýin suraǵan. Sondaı-aq, ol 2015 jylǵy saılaýda Polsha prezıdenttigine úmitker bolǵan jáne keıbir qazaqstandyq saıası tutqyndardy qoldaıtyn áreketterimen tanymal.
”Adyrna” ulttyq portaly
