IýNESKO Bas konferensiiasy jūmysynyŋ soŋǧy künı Qazaqstan 2023-2027 jyldarǧa Düniejüzılık mūralar komitetınıŋ müşesı bolyp sailandy. Būl turaly Qazaqstan Respublikasynyŋ Memlekettık keŋesşısı Erlan Qarin aitty, dep habarlaidy “Adyrna” ūlttyq portaly.
Qazaqstannyŋ kandidaturasyn 118 memleket qoldady. Elımızdıŋ Düniejüzılık mūralar komitetıne müşe bolyp sailanuy bıregei mädeni jäne tabiǧi mūralaramyzdy saqtauǧa qatysty belsendı jūmysymyzdy halyqaralyq qauymdastyqtyŋ moiyndaitynyn körsetedı. Sondai-aq būǧan deiın IýNESKO-nyŋ Almatydaǧy keŋsesıne Ortalyq Aziia memleketterınen bölek Auǧanstan, Päkıstan jäne İran memleketterın qamtityn Köpsektorly aimaqtyq keŋse (Biuro) märtebesın beru turaly şeşım qabyldanǧan bolatyn, - dedı Qarin.Aita keteiık, Qūramyna 21 memleket kıretın Düniejüzılık mūralar komitetı ─ IýNESKO-nyŋ asa maŋyzdy ärı bedeldı basqaruşy organy. Būl Komitettıŋ nysandardy Düniejüzılık mūralar tızımıne engızuge jäne alyp tastauǧa airyqşa qūqyǧy bar.
Ūqsas jaŋalyqtar
