Memleket basshysy Qasym-Jomart Toqaev aýyl sharýashylyǵyndaǵy jalǵan statıstıkany túbirimen joıýdy tapsyrdy. Bul týraly ol Aýyl sharýashylyǵy eńbekkerleriniń birinshi forýmynda aıtty, dep habarlaıdy “Adyrna” ulttyq portaly.
«Meniń tapsyrmam boıynsha aýyl sharýashylyǵyndaǵy statıstıkany burmalaý, jalǵan qujat toltyrý, kózboıaýshylyq faktilerin túp-tamyrymen joıý jumystary júrgizilip jatyr. Osynyń nátıjesinde biz salanyń naqty jaǵdaıyn baǵamdaı alamyz, ekonomıkalyq shyǵynǵa soqtyratyn tıimsiz sheshim qabyldamaımyz», - dedi Prezıdent.
Qasym-Jomart Toqaev sýbsıdııa bólýdi ashyq ete túsý keregin de eske saldy.
«Úkimet sýbsıdııa berýdiń ashyqtyǵyn tolyq qamtamasyz etip, salany naryqtyq ádis-tásilder arqyly nyǵaıtýdy qolǵa alýy qajet. Bul salada strategııalyq turǵydan senimdi ári muqııat oılastyrylǵan memlekettik retteý tetikterine kóshý mańyzdy», - dedi Prezıdent.
