Bir top muǵalim prezıdent pen Májilis tóraǵasyna ashyq hat joldap, Oqý-aǵartý mınıstri Ǵanı Beısembaevtyń otstavkaǵa ketýin talap etip otyr, dep habarlaıdy «Adyrna» tilshisi.
«Qurmetti Qasym-Jomart Kemeluly! «Halyq túzelýiniń úmiti jastarda, sondyqtan jastardyń qalaı oqyp, qalaı tárbıelenýi bárinen buryn eskerip, bárinen joǵary qoıylatyn jumys», - degen ult ustazy Ahmet Baıtursynuly. Bizdi de alańdatatyn sol jaǵdaı.
Búgingi urpaq qalaı tárbıelenip jatyr? Daryndy jastar «Pedagog mártebesi» týraly zań qabyldanǵan soń ustazdyqqa bet burdy. Elimizdiń bilim salasy pandemııadaı qıyn jaǵdaı bolsa da, sońǵy jyldary úzdiksiz damyp keledi. Qazir bilim-ǵylymǵa bet burǵan jastardyń da legi artýda. Bul elimizdiń bolashaǵy úshin úlken kúsh.
Biraq sońǵy taǵaıyndalǵan Oqý-aǵartý mınıstri Ǵanı Bektaıuly Beısembaev bul ózgeristerge sabotaj jasaýda. Júrgen jerinde kópirme sóz ben ótirikten aspaıtyn mınıstr tipti shaǵyn mektepti basqaratyn deńgeıi joq ekendigin kórsetýde. Bulaı kete berse elimizdiń bolashaǵy úshin asa mańyzdy sala - urpaqtyń bilimi men tárbıesine tike qatysty sala oqý-aǵartý isindegi sońǵy jyldar jasalǵan oń ózgerister qurdymǵa ketedi»,—delingen hatta.
Muǵalimderdiń aıtýlarynsha, Ǵanı Beısambaev jańa qyzmetke kiriskennen keıin mınıstrliktiń basshylyq quramyna aýys-túıis jasaǵan.
«Óz adamdaryn jınap jatyr. Birinshi vıe-mınıstrden bastap komıtet tóraǵalary, onyń orynbasarlary, apparat jetekshisi, orynbasary, departamentterdiń dırektorlary, orynbasarlary barlyǵyn aýystyrdy. Tipti bas mamanǵa deıin qýǵynǵa ushyrady. Burynnan júrgenderden eshkim qalmady dese de bolady. Tamyr-tanystyq belgili bir ózgeriske ne jańashyldyqqa aparmaıtyny burynnan belgili.
Ǵanı Bektaıuly buǵan deıin Bilim mazmunyn saraptaý ortalyǵy dırektory men Y.Altynsarın atyndaǵy Bilim akademııasynyń prezıdenti bolǵan kezde de, ókinishke oraı, sol mekemelerdiń toz-tozyn shyǵarǵan edi»,—deıdi bilim berý salasynyń mamandary.
Olar mınıstrdiń muǵalimder quqyǵyn qorǵamaıtynyna narazy. Aıtýlarynsha,
Ǵanı Beısambaevtyń bitken nemese naqty istelgen isi joq.
«Kelgennen beri qur uran, qur sózdermen toıǵyzyp keledi. Bitken nemese naqty istelgen is joq. Bilim salasynyń, onyń ishinde oqý-aǵartý salasyna, bilim sapasyn kóterý, materıaldyq tehnıkalyq baza jumystaryn retteıtin qujattardyń shıki tustary odan ári shıkilene tústi nemese taza bızneske qaraı naqty jol ashyp berdi deýge de bolady.
Qarapaıym muǵalimderdiń attestaııasy, bilim mazmuny, bilim baǵdarlamasy, tipti oqý josparyna deıingi qujattar odan saıyn bylyǵyp, mamandar áýre-sarsańǵa túsip jatyr. Áli birde bir naqty qujat joq, jylǵa jýyq ýaqyt bos sózben keledi, kerisinshe qanshama is ústi-ústine qosylyp jatyr.
Biz, bir top ustaz, bilim salasynyń janashyrlary, sizden tez arada qatań sheshim qabyldap, 27-aq aıda mınıstr dárejesine qoǵamǵa belgisiz jolmen jete salǵan adamdy otstavkaǵa jiberip, eldiń bolashaǵyn aıqyndaıtyn bilim salasynan beıkásibı mamandy alastaýdy talap etemiz! Ádiletti Qazaqstan qurý bastamasy tusynda bundaı óreskel qatelikterge qarap tura almaǵandyqtan, sizge ótinish aıtyp otyrmyz.
Biz sizden Oqý-aǵartý mınıstrliginiń tizginin osy salanyń jiligin shaǵyp, maıyn ishken myqty mamanǵa, basshylyq qyzmette jetkilikti tájirıbesi bar bilikti menedjerge berýińizdi suraımyz!»,—delingen ashyq hatta. Hat sońynda qol qoıǵan adamdardyń tizimi berilgen.
Qurmetpen, Qazaqstan ustazdary:
1. Ómir Shynybekuly – «Y.Altynsarın» tósbelgisiniń ıegeri (Shymkent qalasy)
2. Aıatjan Ahmetjanuly (Astana qalasy)
3. Aıman Saǵıdýlla (Almaty oblysy, Qarasaı aýdany )
4. Meıirjan Temirbek (Shyǵys Qazaqstan oblysy)
5. Tilekqabyl Nuryshev (Batys Qazaqstan oblysy)
6. Aınur Sabyr ( BQO, Oral qalasy)
7. Aınur Eltoq (Shymkent qalasy)
8. Abdıhanova Rano Rystaevna (Shymkent qalasy)
9. Ajıbekova Lazzat Býlegenovna (Shymkent qalasy)
10. Batyrhan Aıdana (Shymkent qalasy)
11. Ábdimomyn Meıramkýl Nurjaýqyzy (Shymkent qalasy)
12. Barsaeva Janylsyn Dýısenbıevna (Mańǵystaý obl., Aqtaý qalasy)
13. Bısengalıeva Sandýgash Týrmaganbetovna (Batys Qazaqstan oblysy)
14. Shırımbekova Saltanat (Túrkistan oblysy)
15. Rahmetova Kenjegúl Abdıkalıkovna (Jambyl oblysy)
16. Jalǵasova Marııa Smagýlovna (Almaty oblysy, Qarasaı aýdany)
17. Saparbaeva Kalamkas Nýrjanovna (Túrkistan oblysy, Túlkibas aýdany)
18. Dáýletbaqova Gúlnár (Shymkent qalasy)
19. Kanatova Ardak Batyrovna (BQO, Oral qalasy)
20. Serıkova Aıgerım (BQO, Oral qalasy)
21. Mırzabaev Erbol (Shymkent qalasy)
22. Núsipbek Meıramgúl Baraqazatqyzy (Almaty qalasy)
23. Alypkaraeva Marjan (Shymkent qalasy)
24. Esmýrzaeva Alııa Asylbekovna (Almaty oblysy, Qarasaı aýdany)
25. Dana Derbis (Shymkent qalasy)
26. Qaıyrova Merýert Jýmabaevna (Shymkent qalasy)
27. Saketaeva Janna (Shyǵys Qazaqstan oblysy)
28. Smanova Elmıra (Túrkistan oblysy)
29. Sanııa Núsipáli Núsipjanqyzy (Almaty oblysy, Talǵar aýdany)
30. Manapova Aınur Abaıqyzy (Jambyl oblysy)
31. Baǵıla Begındıkova (Túrkistan oblysy, Jetisaı aýdany, Asyq ata kenti)
32. Aıbar Abaıuly (Aqmola oblysy)
33. Kýlmanova Djamıla (Túrkistan oblysy, Jetisaı aýdany, Asyqata kenti)
34. Nııazbaeva Dınara (Abaı oblysy)
35. Mendıbaev Myrzagalı ( Mańǵystaý oblysy, Jańaózen qalasy)
36. Sultan Orynbasar (Saýran aýdany)
37. Seısenbaı Erjan (Túrkistan oblysy)
38. Hodjakanova Aıgýl Sakenovna ( Túrkistan oblysy)
