Almatyda «Oyan, Qazaqstan!» belsendileri Nazarbaev dańǵylyn «Qańtar» dep ózgertýdi talap etti. Bul týraly Vlast.kz jarııalady, dep habarlaıdy “Adyrna” ulttyq portaly.
Olar bul kósheniń qandy dıktatordyń esimimen atalǵanyna narazy.
«Eger bılik ózgerte almasa, ózimiz isteımiz» dep atap ótti belsendiler.
Belsendilerdiń aıtýynsha, halyqtyń qany tógilgen Almatynyń basty kóshesi «Qańtar» dep atalýy qajet.
«Qandy Qańtarǵa ákelgen basty sebep — qanisher Nursultan Nazarbaevtyń otyz jyl boıy eldi tonap, qarsy shyqqandardy basyp-janshyǵany. Dál Toqaev sııaqty, Nazarbaev 2011 jyldyń jeltoqsanda Jańaózendegi munaıshylardy atýǵa buıryq berdi. Bul kósheniń qanisher men dıktatordyń atymen atalýyna qarsymyz», - dedi jýrnalıst, belsendi Ásem Jápishova.
Alaıda, polıııa belsendiler ilgen jazýdy alyp tastady.
