Qaraǧandy oblysy boiynşa Qylmystyq atqaru jüiesı departamentı tūtqyndarǧa jasalǧan zorlyq-zombylyq körsetılgen videoǧa qatysty pıkır bıldırdı. Būl turaly Azattyq Rýhy jariialady, dep habarlaidy “Adyrna” ūlttyq portaly.
Äleumettık jelıde rezonans tudyrǧan video jariialandy. Kadrdan kiımsız tūtqyndardyŋ edennen su jinau üşın şüberekterdı paidalanǧanyn köruge bolady. Jazba avtorlary būl oqiǧa Qaraǧandy oblysy Dolinka auylyndaǧy №31 mekemede bolǧanyn alǧa tartady.
Oblystyq polisiia departamentı videonyŋ būryn tüsırılgenın mälımdedı.
«Būl fakt būryn bolǧan. Qyzmettık tekseru jürgızılıp, qyzmetkerler jauapkerşılıkke tartyldy. Jalǧan aqparattyŋ taraluyna jol bermeu üşın qūqyq qorǧau ūiymdarynyŋ ökılderı mekemege sapar ūiymdastyrdy. Sonymen qatar, sapar qorytyndysy boiynşa QAJ departamentınıŋ basşylyǧy sottalǧandardyŋ tuystarymen kezdesu ötkızdı», - dedı Qaraǧandy jäne Ūlytau oblystary boiynşa qylmystyq atqaru jüiesı basqarmasynyŋ basşysy Bekbolat Şäkırov.
Ol bügınde koloniiadaǧy jaǧdai tūraqty jäne qylmystyq atqaru jüiesı basşylyǧynyŋ baqylauynda ekenın aitty.
