قاراعاندى وبلىسى بويىنشا قىلمىستىق اتقارۋ جۇيەسى دەپارتامەنتى تۇتقىندارعا جاسالعان زورلىق-زومبىلىق كورسەتىلگەن ۆيدەوعا قاتىستى پىكىر ءبىلدىردى. بۇل تۋرالى Azattyq Rýhy جاريالادى، دەپ حابارلايدى “ادىرنا” ۇلتتىق پورتالى.
الەۋمەتتىك جەلىدە رەزونانس تۋدىرعان ۆيدەو جاريالاندى. كادردان كيىمسىز تۇتقىنداردىڭ ەدەننەن سۋ جيناۋ ءۇشىن شۇبەرەكتەردى پايدالانعانىن كورۋگە بولادى. جازبا اۆتورلارى بۇل وقيعا قاراعاندى وبلىسى دولينكا اۋىلىنداعى №31 مەكەمەدە بولعانىن العا تارتادى.
وبلىستىق پوليتسيا دەپارتامەنتى ۆيدەونىڭ بۇرىن تۇسىرىلگەنىن مالىمدەدى.
«بۇل فاكت بۇرىن بولعان. قىزمەتتىك تەكسەرۋ جۇرگىزىلىپ، قىزمەتكەرلەر جاۋاپكەرشىلىككە تارتىلدى. جالعان اقپاراتتىڭ تارالۋىنا جول بەرمەۋ ءۇشىن قۇقىق قورعاۋ ۇيىمدارىنىڭ وكىلدەرى مەكەمەگە ساپار ۇيىمداستىردى. سونىمەن قاتار، ساپار قورىتىندىسى بويىنشا قاج دەپارتامەنتىنىڭ باسشىلىعى سوتتالعانداردىڭ تۋىستارىمەن كەزدەسۋ وتكىزدى»، - دەدى قاراعاندى جانە ۇلىتاۋ وبلىستارى بويىنشا قىلمىستىق اتقارۋ جۇيەسى باسقارماسىنىڭ باسشىسى بەكبولات شاكىروۆ.
ول بۇگىندە كولونياداعى جاعداي تۇراقتى جانە قىلمىستىق اتقارۋ جۇيەسى باسشىلىعىنىڭ باقىلاۋىندا ەكەنىن ايتتى.
