«Ädıl söz» söz bostandyǧyn qorǧau halyqaralyq qory Aiel-qorgan.kz saityn «Qazaqstandaǧy äiel jurnalisterge qatysty onlain zorlyq-zombylyqtyŋ aldyn alu: onlain zorlyq-zombylyqqa den qoiu ortalyǧy» jobasy aiasynda ıske qosady.
Joba käsıbi qyzmetıne bailanysty kiberbullingke, onlain-qudalauǧa, qoqan-loqyǧa, äleumettık jelılerdegı qysymǧa jäne sifrlyq zorlyq-zombylyqtyŋ basqa da türlerıne tap bolatyn äiel jurnalisterdı qoldauǧa baǧyttalǧan.
Jurnalisterge qarsy onlain-şabuyldar söz bostandyǧy men media qauıpsızdıgı salasyndaǧy özektı mäselelerdıŋ bırı bolyp otyr. Mūndai şabuyldar olardyŋ käsıbi bedelıne ǧana emes, jeke ömırıne, psihologiialyq jaǧdaiyna jäne qauıpsızdıgıne äser etuı mümkın. Köp jaǧdaida äiel jurnalister būl mäselemen jalǧyz qalyp, qaida jügınu keregın jäne onlain zorlyq-zombylyq faktısın qalai dūrys tırkeu qajettıgın bıle bermeidı.
Osy maqsatta Aiel-qorgan.kz platformasy äzırlendı. Būl – jurnalisterge tüsınıktı nūsqaulyqtar, paidaly materialdar jäne qoldau alu mümkındıgın ūsynatyn aqparattyq ärı praktikalyq platforma. Jobanyŋ maqsaty – äiel jurnalisterdıŋ sifrlyq ortadaǧy qauıpsızdıgın arttyru, onlain-qauıpterdıŋ ärtürlı türlerın tanuǧa, şabuyldarǧa dūrys äreket etuge jäne der kezınde qūqyqtyq, psihologiialyq ärı aqparattyq qoldau aluǧa kömektesu.
Saitta onlain zorlyq-zombylyq türlerı turaly materialdar, şabuyl kezındegı äreket algoritmderı, sifrlyq qauıpsızdık boiynşa ūsynymdar, paidaly nūsqaulyqtar, monitoring nätijelerı jäne qoljetımdı kömek tetıkterı turaly aqparat ornalastyrylady.
Saitty kımder paidalana alady?
Sait eŋ aldymen onlain-qauıpterge tap bolǧan nemese sifrlyq qauıpsızdıgın aldyn ala küşeitkısı keletın Qazaqstandaǧy äiel jurnalisterge, redaktorlarǧa, blogerlerge, media qyzmetkerlerıne jäne BAQ ökılderıne arnalǧan.
Sonymen qatar platforma redaksiialar, media ūiymdar, qūqyq qorǧauşylar, qauıpsızdık salasyndaǧy sarapşylar, jurnalistika oqytuşylary jäne sifrlyq ortada jurnalisterdı qorǧau taqyrybymen ainalysatyn barlyq mamandar üşın paidaly bolady. Joba aiasynda redaksiialarmen yntymaqtastyqqa erekşe nazar audarylady. Platformada serıktes BAQ keisterın ornalastyru, sondai-aq naqty redaksiialardyŋ qajettılıgıne beiımdelgen qauıpsızdık ūsynymdary men strategiialaryn äzırleu josparlanyp otyr.
«Bızdıŋ mındetımız – onlain-şabuylǧa tap bolǧan äiel jurnalistıŋ jalǧyz qalmauyna jaǧdai jasau. Onyŋ qolynda naqty äreket algoritmı, qoldau alu mümkındıgı jäne özınıŋ qauıpsızdıgı maŋyzdy ekenın sezınuı qajet», - dep atap öttı «Ädıl söz» qory.
Joba Qazaqstandaǧy Germaniia Federativtık Respublikasy Elşılıgınıŋ qarjylyq qoldauymen «Ädıl söz» söz bostandyǧyn qorǧau halyqaralyq qory tarapynan jüzege asyrylady.
Aiel-qorgan.kz saity Qazaqstanda onlain zorlyq-zombylyqtyŋ aldyn alu, qauıpsız sifrlyq ortany damytu jäne äiel jurnalisterdı qorǧaudy küşeitu baǧytyndaǧy keŋ auqymdy jūmystyŋ bır bölıgıne ainalady.
