Qaraǵandy oblysynyń ákimi shahta jarylysynan zardap shekken shahterlerdiń jaǵdaıy týraly aıtty. Ol medıınalyq mekemelerde dáriger baqylaýynda 27 kenshi qalǵanyn málimdedi, dep habarlaıdy «Adyrna» ulttyq portaly.
Ákimniń sózinshe, shardap shekken kenshiler barlyq qajetti medıınalyq kómekti alyp jatyr. Bireýiniń jaǵdaıy aýyr, 24-i ortasha aýyr, ekeýi qanaǵattanarlyq jaǵdaıda.
– Qaza tapqan Shahterdiń ár otbasyna basqarma basshylary men depýtattar taǵaıyndaldy. Olar jerleý rásiminde otbasylarmen birge júredi, tıisti tólemderdi baqylaıdy jáne aǵymdaǵy turmystyq máselelerdi sheshedi. Jerleý jáne kólik berý boıynsha qajetti kómek kórsetiledi. Sondaı-aq Qazaqstannyń basqa óńirlerinen, jaqyn jáne alys shetelderden týystary men jaqyndarynyń kelýi jáne jetkizilýi boıynsha járdem kórsetiledi, – dedi Ermaǵanbet Bólekpaev.
Ol ár otbasyna degen kózqaras jeke ekenin, ol úshin áleýmettik portret jasalǵanyn atap ótti. Kóp balaly otbasylar, sondaı-aq jalǵyz asyraýshylary men kámeletke tolmaǵan balalary bar otbasylar anyqtaldy. Qaza tapqandardyń ıpotekalyq jáne ózge de kredıtteri jáne olardyń turǵyn úı jaǵdaılary boıynsha aqparat jınaldy.
«Adyrna» ulttyq portaly
