Qaraǧandy oblysy aumaǧynda Qūrban ait merekesı jaqyndaǧan saiyn qūrbandyqqa şalynatyn mal men et önımderınıŋ baǧasynyŋ negızsız ösuıne jol bermeu maqsatynda baqylau şaralary küşeitıldı. Oblystyq auyl şaruaşylyǧy jäne jer qatynastary basqarmasynyŋ mamandary mal soiu punktterın aralap, şarua qojalyqtary men käsıpkerler ökılderımen bırqatar tüsındıru kezdesulerın ötkızdı.
Kezdesuler barysynda halyqty sapaly et önımderımen qamtamasyz etu, sondai-aq mereke künderı naryqtaǧy baǧanyŋ tūraqtylyǧyn saqtau mäselelerı jan-jaqty qarastyryldy.
— Bız auyl şaruaşylyǧy tauar öndıruşılerımen jäne sauda ökılderımen kezdestık. Qazırgı taŋda qoi etınıŋ ortaşa baǧasy kelısıne şamamen 4 myŋ teŋge deŋgeiınde qalyp otyr. Bır jasar qozynyŋ baǧasy orta eseppen 80 myŋ teŋgenı qūraidy. Barlyq naryq qatysuşylaryna sūranystyŋ artuyn terıs paidalanbai, baǧany negızsız kötermeu jönınde qataŋ eskertu jasaldy, — dedı Änuar Tölebekov, oblystyq auyl şaruaşylyǧy basqarmasynyŋ basşysy.
Käsıpkerlerdıŋ aituynşa, bügınde öŋırde et qory jetkılıktı kölemde qalyptasqan, sondyqtan mereke kezeŋınde tapşylyq tuyndauy kütılmeidı.
Auyl şaruaşylyǧy basqarmasy tarapynan mereke künderı baǧaǧa tūraqty monitoring jürgızu jalǧasatyny atap ötıldı. Qazırgı taŋda naryqtaǧy ahual tūraqty ärı qataŋ baqylauda.
