"Alaşqa taǧzym" "Aq joldan"

Jaqynda ǧana 9 mamyr Jeŋıs künı "Mäŋgılık polk" şeruı  bükıl Qazaqstandy aiaǧynan tık tūrǧyzyp edı. Bıreuler qoldap, endı bırı qarsy bolyp, qazaq qoǧamyn ekıge bölıp tastaǧan bolatyn. Osyǧan qarama-qarsy balama retınde "Aq jol" partiiasynyŋ töraǧasy Azat Peruaşev saiasi quǧyn-sürgın qūrbandaryn eske alu  üşın «Alaşqa taǧzym» atty şeru ötkızu jaily ūsynys tastaǧan bolatyn. Būl ūsynys qoǧamnan qoldau tapqanmen bilıkten qoldau tappady. Nūr-Sūltan qalasynyŋ äkımdıgı «Aq jol» partiiasynyŋ "Alaşqa taǧzym" şeruıne rūqsat bermedı. Bıraq, "aqjoldyqtar" da berse qolynan, bermese jolynan dep, nar täuekelge baryp otyr. «Aq jol» partiiasy äkımdıktıŋ tyiym saluyna qaramastan «Alaşqa taǧzym» atty ıs-şarasyn ötkızedı. Būl turaly Azat Peruaşev äleumettık jelılerde taraǧan beineündeuınde habarlady. "Qūrmettı qazaqstandyqtar! Juyrda Nūr-Sūltan qalasynyŋ äkımdıgı «Aq jol» partiiasynyŋ saiasi quǧyn-sürgın qūrbandaryn eske alu  üşın «Alaşqa taǧzym» atty şeru ötkızu jaily ūsynysyna rūqsat bermedı. Rūqsat bermeuge negız bolǧan sebepterı – qyp-qyzyl ötırık. Bızdıŋ ötınışımızde barlyq qajettı aqparat zaŋǧa säikes körsetılgen bolatyn. Memlekettık organdardy da tüsınuge de bolady: olar sailau kezınde türlı arandatular men bassyzdyqtardan qauıptenıp otyrǧan şyǧar. Sondyqtan mynany aitqym keledı: eşkım otqa mai qūiyp, köpşılıktı aşyndyruǧa müddelı emes. Memlekettık instituttardy älsıretu - azamattardyŋ özderı üşın de, memleket üşın de qauıptı närse. Al ūlttyq täuelsızdıgımız ben jerımızdıŋ tūtastyǧyn saqtau üşın küştı memleket kerek. Sonymen qatar, ol jai küştı ǧana emes, ärkım özınıŋ mümkındıkterı men qūqyqtaryn jüzege asyra alatyn ädılettı de, ozyq memleket boluy tiıs.   Joǧaryda aitylǧandarǧa bailanysty, «Alaşqa taǧzym» şeruıne rūqsat bermegenımen, «Aq jol» partiiasynyŋ jetekşılerı men deputattary 31 mamyr künı «Alaş» qairatkerlerı jäne quǧyn-sürgınge ūşyraǧan ata-babalarynyŋ portretterımen ūltynyŋ azattyǧy üşın küresken qūrbandardyŋ eskertkışıne baryp, gül qoiyp, qūran baǧyştaitynyn habarlaidy. Būl miting emes, sondyqtan bız osy joly eşkımnen rūqsat sūramaimyz. Bızdıŋ Qazaq Respublikasynyŋ bolaşaǧy üşın qūrban bolǧandarǧa taǧzym etuge tolyq konstitusiialyq haqymyz bar" degen Azat Peruaşevtıŋ beine ündeuınde. Rasymen de qazaqtyŋ egemen el boluyn bır ǧasyr būryn armandap, sol arman jolynda, ūlt mūraty üşın bastaryn bergen arystarymyzǧa jyl on ekı ai qūrmet qylsaq ta, jarasady. Al, babaǧa degen qūrmet pen taǧzym, ol jas ūrpaqtyŋ sanasyna patriottyq ruh bolyp qūiylary sözsız.