Alty jylǵa sottalyp, keıin jazasy jeńildetilgen Qaırat Boranbaev búgin bostandyqqa shyqty. Bul týraly IIM Qylmystyq-atqarý júıesi komıtetiniń baspasóz qyzmeti málimdedi, dep habarlaıdy “Adyrna” ulttyq portaly.
Nazarbaevtyń burynǵy qudasynyń jazasynyń ótelmegen bóligi bas bostandyǵyn shekteýge aýystyryldy. Endi Boranbaev probaııa qyzmetiniń baqylaýynda bolady.
Bas bostandyǵynan aıyrý jazasynyń ótelmegen bóligi bas bostandyǵyn shekteý túrindegi jazaǵa aýystyrylǵan sottalýshy Qaırat Boranbaev 6 qarashada bas bostandyǵynan aıyrý ornynan bosatyldy jáne turǵylyqty jeri boıynsha jazasyn óteý ornyna jiberildi, - delingen habarlamada.
Úkimdi aýystyrý kezinde kelesi mán-jaılar eskerildi:
-
sottalǵan adam jaza merziminiń 1/3 bóligin (2 jyl 4 aı 5 kún) ótedi;
-
memleketke keltirilgen zalaldy tolyǵymen ótep, tergeýge kómektesti jáne isine ókinedi;
-
qamaýda ustaý kezinde oǵan oń sıpattama berildi.
